एकदिवसीय रोजगार मेळाव्याला उत्स्फूर्त प्रतिसाद
विदर्भ न्यूज एक्सप्रेस
प्रतिनिधी / नागपूर : जिल्हा कौशल्य विकास, रोजगार व उद्योजकता मार्गदर्शन केंद्र व नॅशनल करिअर सर्व्हिस नागपूर यांच्या संयुक्त विद्यमाने ९ ऑक्टोबर रोजी एकदिवसीय रोजगार मेळाव्याचे आयोजन करण्यात आले. या एकदिवसीय रोजगार मेळाव्याला उमेदवारांचा उत्स्फूर्त प्रतिसाद मिळाला.
रोजगार मेळाव्याच्या माध्यमातून विविध कंपन्यांच्या रिक्तपदांसाठी उद्योजकांमार्फत शैक्षणिक कागदपत्रांची तपासणी करून प्रत्यक्ष मुलाखती घेण्यात आल्या. या मेळाव्यासाठी राज्यातील विविध जिल्हयातून आलेल्या उमेदवारांनी उस्फूर्त प्रतिसाद देत २५७ उमेदवारांनी उपस्थिती नोंदविली. त्यापैकी १४९ उमेदवारांची प्राथमिक निवडीनंतर दुसऱ्या फेरीसाठी निवड करण्यात आली.
मेळाव्याच्या यशस्वीतेसाठी यंग प्रोफेशनल, नॅशनल करिअर सर्व्हिस तसेच जिल्हा कौशल्य विकास, रोजगार व उद्योजकता मार्गदर्शन केंद्र नागपूर येथील सर्व अधिकारी व कर्मचारी यांनी परिश्रम घेतले.
News - Nagpur