कोठी पोलिस मदत केंद्राच्या हद्दीत पोलिस - नक्षल चकमक, नक्षली साहित्य जप्त


विदर्भ न्यूज एक्सप्रेस
तालुका प्रतिनिधी / भामरागड:
तालुक्यातील कोठी पोलिस मदत केंद्राच्या हद्दीत कोपर्शी जंगल परिसरात  आज २० मे रोजी सकाळच्या सुमारास पोलिस आणि नक्षल्यांमध्ये चकमक उडाली. या चकमकीत कोणतीही जिवितहाणी झाली नाही मात्र  मोठ्या प्रमाणात नक्षल्यांचे साहित्य जप्त करण्यात आल्याची माहिती प्राप्त झाली आहे.
सी - ६० पथकाचे जवान  कोपर्शी जंगल परिसरात  नक्षलविरोधी शोधमोहिम राबवित असताना नक्षल्यांसोबत चकमक उडाली. पोलिसांचा वाढता दबाव पाहून नक्षल्यांनी जंगलात पळ काढला. घटनास्थळावर शोधमोहिम राबविली असता मोठ्या प्रमाणात नक्षली साहित्य आढळून आले असल्याची माहिती प्राप्त झाली आहे. काल नक्षल्यांनी जिल्हा बंदचे आवाहन केले होते. या दरम्यान अनेक ठिकाणी बॅनर , नक्षली पत्रके आढळून आली होती. पोलीस दलातर्फे या भागात शोधमोहीम राबविली जात आहे. 

 



  Print






News - Gadchiroli | Posted : 2019-05-20






Related Photos