महत्वाच्या बातम्या

बल्हारशाह वनपरिक्षेत्रात वाघाचा मृत्यू

विदर्भ न्यूज एक्सप्रेस
प्रतिनिधी / बल्लारपुर : आज सकाळी ११.०० वाजता च्या सुमारास बल्लारशाह परिक्षेत्र अंतर्गत नियक्षेत्र कळमना कक्ष क्र. ५७२ मधील सामाजिक वनिकरण रोपवाटीका कळमनाचे लगत कुकुडरांझी चे झुडपात एक वाघ असल्याचे माहीती मिळाली. त्या अनुषंगाणे पशुवैद्यकीय अधिकारी डॉ. कुंदण पोडचेलवार, ताडोबा अंधारी व्याघ्र प्रकल्प चंद्रपुर यांना पाचारण करण्यात आले व त्यांचे समक्ष सदर परिसराची पाहणी केली.
सदर झुडपात असलेला वाघ वन्यप्राणी मृत असल्याची माहिती पशुवैद्यकीय अधिकारी यांनी दिली.

सदर प्रकरण नियतक्षेत्र कळमना अंतर्गत वन्यजीव (संरक्षण) अधिनियम १९७२ अन्वये प्राथमिक वनगुन्हा क्रमांक ०८९४५/२२३६१३/२०२३ दि. २९ जुलै २०२३ अन्वये गुन्हा नोंद करण्यात आला.

सदर वाघ वन्यप्राण्याचे सर्व अवयव शाबुत असुन वन्यप्राण्याचे अंदाजे वय ४ वर्ष असुन लिंग मादी आहे असून मोकापंचनामा नोंदवुन वन्यप्राण्याचे शवास ताब्यात घेण्यात आले व शविच्छेदनासाठी ट्रांझीट ट्रिटमेंट सेंटर, चंद्रपुर येथे नेण्यात आले.

वन्यप्राण्याचे मृत्युचे खरे कारण शवविच्छेदनानंतर सांगता येईल.

प्रकरणाचा पुढील तपास श्वेता बोड्डू, उपवनसंरक्षक मध्य चांदा वनविभाग चंद्रपुर व श्रीकांत पवार सहाय्यक वनसंरक्षक (वन व वन्यजीव) मध्य चांदा वनविभाग चंद्रपुर यांचे मार्गदर्शनाखाली नरेश भोवरे, वनपरिक्षरेत्राधिकारी बल्लारशाह करीत आहे.

सदर तपासाकरीता भगीरथ पुरी, क्षेत्र सहाय्यक कळमना व वनरक्षक कळमना यांनी सहकार्य केले.