महत्वाच्या बातम्या

रस्त्यात खड्डा ? की खड्ड्यात रस्ता ? : चामोर्शी येथील तहसील कार्यालयाकडे जाणाऱ्या रस्त्याची दुरावस्था

- चामोर्शी येथील तहसील कार्यालयाकडे रस्त्यावरून दररोज जाणाऱ्या हजारो लोकांची प्रचंड अनास्था?...

- बांधकाम विभाग अथवा नगर पंचायत याकडे लक्ष देईल का ?

विदर्भ न्यूज एक्सप्रेस

तालुका प्रतिनिधी / चामोर्शी : गडचिरोली जिल्ह्यातील सर्वात मोठा तालुका म्हणून चामोर्शी तालुका गणला जातो. जिल्ह्यातील मोठा व्यापार पेठ म्हणून प्रसिद्ध आहे, हाच चामोर्शी शहराचा गेल्या दहा वर्षात प्रचंड विस्तार झाला त्याच प्रमाणे प्रचंड विकास सुद्धा झाला आहे, प्रत्येक गल्लीत सिमेंट रोड नालीचे जाळे पसरले आहे, स्थानिक नगर पंचायतने चोहीकडे भरपूर विकास काम केले आहे, त्यात स्थानिक विकास निधीतून प्रत्येक प्रभागात करोडो रुपयांची विकास कामे सुरू आहेत परंतु स्थानिक पोष्ट ऑफिस ते तहसील कार्यालयाकडे रस्त्यावरून जाताना सदर रस्तात खड्डा आहे, खड्ड्यात रस्ता आहे ते कळेनासे झाले आहे. या रस्त्यावर जागोजागी खड्डे पडले आहेत. प्रत्येक रस्त्यावर पाणी साचले आहे रस्त्यावरून पायदळ गेल्यास अंगावर चिखल युक्त पाणी उडणार नाही याची दक्षता घेऊन चालावे लागते, वाहन चालकांना जीव मुठीत घेऊन सावधानतेने दररोज वाहन चालवत जावे लागत आहे, परंतु मागील वर्षी पासून या रस्त्यावर बराच गीट्टी मुरूम टाकून डागडुजी करण्यात आला. परंतु या वर्षी पुन्हा सदर रस्ता खड्डेमय झाला आहे. आज नगर पंचायत येथील सबंधित अभियंता यांच्याशी या बाबत संवाद साधला असता, त्यांनी प्रशासकीय मान्यता मिळाल्यास लवकरच सदर रस्ता काम सुरू करण्यात येणार असे आश्वासन दिले व लवकरच या रस्त्या वर गीट्टी मुरूम टाकून तात्पुरता डागडुजी नक्कीच करण्यात येईल असे आश्वासन दिले, यावेळी भाजपा गडचिरोली चिमूर लोकसभा सोशल मीडिया प्रमुख रमेश अधिकारी यांनी सबंधित प्रशासनाने लवकरात लवकर सदर खड्डेमय रस्तास प्रशासकीय मंजुरी द्यावी व रस्ता बांधकामास सुरुवात करावी अशी मागणी केली आहे.