महत्वाच्या बातम्या

उमेदवारांच्या जात प्रमाणपत्र पडताळणी अर्जाबाबत मार्गदर्शन शिबिर

- राजर्षी शाहु महाराज जयंतीपर्व

विदर्भ न्यूज एक्सप्रेस

प्रतिनिधी / वर्धा : आरक्षित जागेवर निवडणूक लढवून निवडूण आलेल्या उमेदवारांना वारंवार संदेश व पत्र पाठवून सुध्दा जात प्रमाणपत्र पडताळणी अर्जातील आक्षेपाची पुर्तता केलेली नाही, अशा उमेदवारांसाठी आक्षेपाची पुर्तता करण्यासाठी १२ जुले रोजी दुपारी १२ वाजता मार्गदर्शन शिबिराचे आयोजन करण्यात आले आहे.

मागासवर्गीयांसाठी राखिव आरक्षित जागेवर निवडून आलेल्या उमेदवारांना जात वैधता प्रमाणपत्राची आवश्यक आहे. या ज्या आरक्षित जागेवर निवडून आलेल्या उमेदवारांनी जात वैधता प्रमाणपत्र मिळण्याकरीता जात प्रमाणपत्र पडताळणी समितीकडे अर्ज केलेले आहे. परंतु सदर प्रकरणात अपुर्ण कागदपत्रे असल्याने त्यांना कागदपत्रांची पुर्तता करण्याबाबत पत्रव्यवहार करण्यात आला असतांना सुध्दा कागदपत्राची पुर्तता करण्यात आली नाही.

अशा उमेदवारांनी जात वैधता प्रमाणपत्र मिळण्यास विलंब झाला किंवा कागदपत्रा अभावी जात वैधता प्रमाणपत्र मिळाले नाही. त्यामुळे उमेदवारांचे सदस्यत्व रद्द झाल्यास याची सर्वस्वी जबाबदारी उमेदवारांची राहणार आहे. यासाठी अशा उमेदवारांनी सदर शिबिरास उपस्थित राहून कागपत्राची पुर्तता करुन घ्यावी, असे जिल्हा जात प्रमाणपत्र पडताळणी समितीचे सदस्य तथा उपायुक्त शरद चव्हाण यांनी कळविले आहे.