आरमोरी नगर परिषदेच्या निवडणूकीसाठी ३१ ऑगस्ट रोजी आरक्षण सोडत


विदर्भ न्यूज एक्सप्रेस 
प्रतिनिधी / गडचिरोली :
  आरमोरी नगर परिषदेच्या येत्या निवडणुकीसंबंधाने जिल्हाधिकारी गडचिरोली यांनी प्रभाग रचनेस मान्यता प्रदान केलेली असून सदर प्रभागातील अनुसुचित जातीच्या महिला, अनुसूचित जमातीच्या महिला, नागरीकांच्या मागास प्रवर्गातील महिला, व सर्वसाधारण महिला यांचे आरक्षण सोडत पध्दतीने निश्चित करावयाचे आहे.
 आरमोरी नगर परिषदेसाठी विशालकुमार मेश्राम, उपविभागीय अधिकारी , देसाईगंज ( वडसा ) यांचे अध्यक्षतेखाली आरमोरी नगर परिषदेच्या  ३१ ऑगस्ट  रोजी दुपारी १२  वाजता सोडत पध्दतीने वरील प्रमाणे जागा निश्चित करण्यात येतील.
  जागा निश्चित करण्याच्या सोडतीच्या दिनांकास व निश्चित केलेल्या वेळेस ज्या नागरीकांना इच्छा असेल त्यांनी आरक्षण निश्चितीच्या कार्यक्रमास उपस्थित राहण्याचे  आवाहन जिल्हाधिकारी यांनी केले आहे. 

 



  Print






News - Gadchiroli | Posted : 2018-08-27






Related Photos