पालकमंत्री ना. आत्राम यांच्याहस्ते अहेरी येथे अग्निशमन वाहन, शववाहिका, फायर बोटचे लोकार्पण


- अहेरी नगर पंचायतला १ कोटी निधीतून अत्यावश्यक दोन्ही वाहने झाली उपलब्ध 
- पालकमंत्री  ना.राजे अम्ब्रीशराव महाराज आत्राम यांनी जनतेला दिलेला शब्द केला पूर्ण 
विदर्भ न्यूज एक्सप्रेस 
प्रतिनिधी / अहेरी :
राज्याचे आदिवासी विकास, वन राज्यमंत्री तथा जिल्ह्याचे पालकमंत्री  ना.राजे अम्ब्रीशराव  महाराज आत्राम यांच्या हस्ते अहेरी येथे काल २२ फेब्रुवारी रोजी अहेरी नगर पंचायतला मिळालेल्या नवीन अग्निशमन वाहन, शववाहिका, फायर बोटचे लोकार्पण करण्यात आले.  तिन्ही साधने   अहेरी येथे उपलब्ध करुन देण्याचे विधानसभा निवडणुकीत जनतेला दिलेले आश्वासन ना. आत्राम यांनी  पूर्ण केले आहे. 
   अहेरी विधानसभा क्षेत्रात एकही  अग्निशमन वाहन उपलब्ध नसल्याने आग लागल्यास गडचिरोली व वडसा येतून अग्निशमन वाहन बोलवावे लागत होते.   ते वाहन अहेरी पर्यंत येण्यास बराच उशीर होऊन आग लागल्याने मोठी हानी होत होती. त्यामुळे अहेरी येथेच नवीन अग्निशमन वाहन उपलब्ध करून देण्याची मागणी क्षेत्रातील जनतेने  मागील अनेक वर्षांपासून यापुर्वीच्या लोकप्रतिनिधी कडे केली होती.  परंतु ती मागणी आजपर्यंत पूर्ण झाली नाही.   ना.राजे अम्ब्रीशराव आत्राम यांनी आमदार म्हणून निवडून आल्यावर हा विषय गंभीरपणे घेऊन, सातत्याने पाठपुरावा करून जिल्हा नियोजन समिती कडून प्रत्येकी ८५ लक्ष रुपये निधी मंजूर करून अहेरी व सिरोंचा नगर पंचायतला नवीन अग्निशमन वाहन उपलब्ध करून दिले आहे.    काल ह्या वाहनांचे  अधिकृत लोकार्पण अहेरी येथे पालकमंत्री ना. आत्राम यांच्या हस्ते करण्यात आले.  यामुळे  अहेरी व लगतच्या तालुक्याना या वाहनांचा मोठा लाभ होणार आहे. 
 अहेरी शहरात ७ वर्ष जुनी एकच शववाहिका उपलब्ध असल्याने ते कधी चालू तर कधी बंद अशा अवस्थेत असल्याने लोकांची मोठी गैरसोय होत होती व अहेरीकरांनी नवीन शववाहिका उपलब्ध करून देण्याची मागणी केली होती.  ह्याची तातडीने दखल घेत पालकमंत्री ना.राजे   आत्राम यांनी आमदार स्थानीक विकास निधी २०१७ - १८ अंतर्गत १५ लक्ष रुपये निधीतून अहेरी नगर पंचायतला नवीन शववाहिका मंजूर केली होती . या शववाहिकेचे लोकार्पण   करण्यात आले.  
 अहेरी शहरात पूर परिस्थिती निर्माण झाल्यास त्यातून जनतेचा बचाव करण्यासाठी राज्य सरकारने आपत्ती व्यवस्थापन निधीतून अहेरी नगर पंचायतला १० लक्ष रुपये निधीतून फायर बोट उपलब्ध करून दिले होते . त्याचेही लोकार्पण काल पालकमंत्री  ना.राजे  आत्राम यांनी केले. लोकार्पण कार्यक्रमाला अहेरीच्या नगराध्यक्षा हर्षा ठाकरे, जिल्हा परिषदेच्या समाजकल्याण सभापती माधुरी उरेते, नगरपंचायत उपाध्यक्ष कमल पडगेलवार, मुख्याधिकारी दीक्षांत देशपांडे, जेष्ठ नेते प्रकाश गुडेल्लीवार, भाजपा तालुकाध्यक्ष रवी नेलकुद्री, भाजयुमो जिल्हा उपाध्यक्ष अमोल गुडेल्लीवार, नगरसेवक नारायण सिडाम, श्रीनिवास चटारे, मालूताई तोडसाम, स्मिता येमुलवार, दामाजी सिडाम, सचिन पेद्दापल्लीवार, शंकर मगडीवार, दिलीप पडगेलवार, गुड्डू ठाकरे, श्रीकांत नामनवार, उमेश गुप्ता, राकेश गुडेल्लीवार, संदीप गुमलवार, रहिमा सिद्दीकी, माया बिटपल्लीवार सह अहेरीतील प्रतिष्ठित नागरिक, भाजपा कार्यकर्ते तसेच नगर पंचायत कर्मचाऱ्यांची उपस्थिती होती. 



  Print






News - Gadchiroli | Posted : 2019-02-23






Related Photos