गडचिरोली येथे शेकडो नागरिकांनी घेतले माजी पंतप्रधान स्व. अटलबिहारी वाजपेयी यांच्या अस्थीकलशाचे दर्शन


विदर्भ न्यूज एक्सप्रेस
प्रतिनिधी / गडचिरोली :
माजी पंतप्रधान, भाजपाचे ज्येष्ठ नेते भारतरत्न अटलबिहारी वाजपेयी यांचे १६ आॅगस्ट रोजी निधन झाले. त्यांच्या अस्थी देशभरात दर्शनासाठी पाठविण्यात आल्या असून आज २४ आॅगस्ट रोजी अस्थीकलश गडचिरोली येथे दाखल झाले. यावेळी शेकडो नागरिक, भाजपा पदाधिकारी आदींनी कलशाचे दर्शन घेतले.
चंद्रपूर येथून मुल - व्याहाड मार्गे अस्थीकलश गडचिरोली येथे दाखल झाले. इंदिरा गांधी चौकात अस्थीकलश दर्शनासाठी मोठ्या प्रमाणात गर्दी केली होती. यावेळी गडचिरोली - चिमूर लोकसभा क्षेत्राचे खा. अशोक नेते, जिल्हा परिषद अध्यक्षा योगिताताई भांडेकर, गडचिरोली विधानसभा क्षेत्राचे आमदार डाॅ. देवराव होळी, गडचिरोलीच्या नगराध्यक्षा योगिताताई पिपरे, चंद्रपूर जिल्हा परिषदेचे समाज कल्याण सभापती ब्रिजभुषण पाझारे, ज्येष्ठ नेते, बाबुराव कोहळे, डाॅ. शिवनाथ कुंभारे, डाॅ. भारत खटी, किसान आघाडीचे जिल्हाध्यक्ष रमेश भुरसे, भाजपा जिल्हा महामंत्री रविंद्र ओल्लालवार, नगरसेवक प्रमोद पिपरे, न.प. उपाध्यक्ष अनिल कुनघाडकर, नगरसेवक निंबोळ, प्रकाश अर्जुनवार, जि.प. सदस्य, नगर परिषद, नगर पंचायत सदस्य, पंचायत समिती सदस्य, पदाधिकारी, कार्यकर्ते तसेच नागरिक मोठ्या संख्येने उपस्थित होते. अस्थीकलश पोर्ला, वसा, आरमोरी, देसाईगंज येथे नेण्यात येणार आहे.

 



  Print






News - Gadchiroli | Posted : 2018-08-24






Related Photos