जैवविविधता संवर्धनाचे उत्‍कृष्‍ट कार्य करत व्‍यवस्‍थापन समित्‍यांनी आदर्श प्रस्‍थापित करावा : सुधीर मुनगंटीवार


-  महाराष्‍ट्र जैवविविधता मंडळाचा  ७  वा वर्धापन दिन संपन्‍न 
विदर्भ न्यूज एक्सप्रेस 
प्रतिनिधी / नागपूर : 
जैव विविधता तसेच जैविक संसाधानबाबत वैज्ञानिक माहीती नागरिक, विद्यार्थी, शिक्षक अशा सर्वच घटकांना मिळावी या दृष्‍टीने बंगलोरच्‍या, कोलकताच्‍या धर्तीवर चंद्रपूर जिल्‍हयातील विसापुर येथे बॉटनिकल गार्डन तयार करण्‍यात येत आहे. अशाच पध्‍दतीचे  बॉटनिकल गार्डन संपूर्ण राज्‍यात तयार करण्‍यात यावे. यासंबंधिचे प्रस्‍ताव शासनाला प्राप्‍त झाल्‍यास त्‍यावर निश्चितपणे योग्‍य विचार करण्‍यात येईल. नाग‍री क्षेत्रात स्‍थापना झालेल्‍या जैवविविधता व्‍यवस्‍थापन समित्‍यांनी संवर्धनाचे उत्‍कृष्‍ट कार्य करत राज्‍यासमोर आदर्श प्रस्‍थापित करावा असे आवाहन वनमंत्री सुधीर मुनगंटीवार यांनी केले.
 ०३  जानेवारी रोजी नागपूर येथे महाराष्‍ट्र राज्‍य जैवविविधता मंडळाच्‍या सातव्‍या वर्धापन दिनानिमित्‍त आयोजित कार्यक्रमात वनमंत्री सुधीर मुनगंटीवार बोलत होते. यावेळी वनविभागाचे प्रधान सचिव विकास खारगे, नागपूरच्‍या महापौर सौ. नंदा जिचकार, प्रधान मुख्‍य वनसंरक्षक तथा वनबल प्रमुख उमेशकुमार अग्रवाल, जैवविविधता मंडळाचे अध्‍यक्ष डॉ. विलास बर्डेकर, सदस्‍य सचिव श्री. अश्रफ, डॉ. आर. पी. शनवारे, डॉ. जयंत वडतकर, डॉ. अधिकराव जाधव आदींची प्रामुख्‍याने उपस्थिती होती.
 यावेळी बोलतांना सुधीर मुनगंटीवार म्‍हणाले, जैवविविधता संवर्धानाबाबत मंडळाने गेल्‍या सात वर्षात उल्‍ले‍खनिय कामगीरी केली आहे. जैविक संसाधनाच्‍या व्‍यावसायीक वापरातुन होणारा आर्थिक लाभ समित्‍यांना होणे गरजेचे आहे. जैवविविधते संदर्भात जे पांरपरिक वाण आहेत, ते लुप्‍त होण्‍याच्‍या मार्गावर आहेत. अशा वाणाचे संवर्धन करण्‍यासाठी जागतिक दर्जाची सिड बँक तयार करावी आणि या संदर्भात आराखडे तयार करून प्रस्‍ताव शासनाला पाठवावे. जैवविविधता सवंर्धानाच्‍या प्रक्रियेत निधिची कमतरता भासणार नाही अशी ग्‍वाही त्‍यांनी बोलतांना दिली.
  यावेळी बोलतांना प्रधान सचिव विकास खारगे यांनी जैवविविधता मंडळाच्‍या कार्याचे कौतुक केले. ५० कोटी वृक्ष लागवड, महाराष्‍ट्र राज्‍य रणनिती व कृती आराखडा, जैवविविधता अधिनियमाची वैशिष्‍टये, त्‍या अंतर्गत स्‍थानिक स्‍वराज्‍य संस्‍थांना मिळणारे फायदे, सागरी किना-यावरील जैवविविधता याबाबत आपले विचार विकास खारगे यांनी व्‍यक्‍त केले. यावेळी विविध विभागांनी उभारलेल्‍या स्‍टॉल्‍सचे उद्घाटन वनमंत्री सुधीर मुनगंटीवार यांच्‍या हस्‍ते करण्‍यात आले.जैवविविधता मंडळाचे श्री. अ. अशरफ यांनी प्रास्‍ताविक केले. प्रास्ताविकामध्ये त्यांनी महाराष्ट्र राज्य जैवविविधता मंडळाच्या स्थापने पासून ते आतापर्यंत केलेल्या कार्याची माहिती विस्तृतपणे दिली. डॉ. विलास बर्डेकर, अध्यक्ष, महाराष्ट्र राज्य जैवविविधता मंडळ यांनी मंडळाच्या वाटचालीबाबत मनोगत व्यक्त केले.
 वनमंत्री सुधीर मुनगंटीवार, यांचे हस्ते "महाराष्ट्र राज्य जैवविविधता मंडळाची ७ वर्षातील सोनेरी वाटचाल" या पुस्तकाचे विमोचन करण्यात आले. तसेच श्री. दत्तात्रय पाटील, वनपाल, यांनी लिहिलेल्या तसेच श्री. निनाद खांडेकर यांनी संगीत दिलेल्या जैवविविधता पोवाडा चित्रफितीचे अनावरण करण्यात आले. वनमंत्री सुधीर मुनगंटीवार यांच्या हस्ते सन्मान चिन्ह देऊन त्यांचा सत्कार करण्यात आला. महाराष्ट्र बांबु प्रशिक्षण केंद्र, चिचपल्ली, चंद्रपूर, करिता श्री. टि.एस.के. रेड्डी, अपर प्रधान मुख्य वनसंरक्षक तथा व्यवस्थापकीय संचालक, महाराष्ट्र राज्य बांबु विकास मंडळ व आय.टी.सी. लिमीटेड कंपनीचे मुख्य कार्यकारी अधिकारी, श्री. रायपाला यांच्यात वनमंत्र्यांच्‍या समक्ष सामंजस्य करारनाम्यावर स्वाक्षरी करण्यात आल्या. 
  जैवविविधता संवर्धनाच्‍या प्रक्रियेत उल्‍लेखिनिय कार्य करणा-या व्‍यक्‍ती व संस्‍थांचा यावेळी गौरव करण्‍यात आला. चंद्रपूर जिल्‍हयातील १० ग्राम पंचायतींनी जैविक विविधता व्‍यवस्‍थापन समित्‍या स्‍थापन केल्‍यामुळे सदर समित्‍यांच्‍या संचलानाकरिता त्‍यांना २० हजार रूपयांच्‍या धनादेशाचे वितरण करण्‍यात आले. तसेच गोंदिया जिल्‍हयातील २ ग्राम पंचायतींना लोक जैवविधता  नोंदवही तयार करण्‍याच्‍या कामासाठी २० हजार रूपयांचे धनादेशाचे वितरण करण्‍यात आले.कार्यक्रमाला नागरिकांची मोठया संख्‍येने उपस्थिती होती.



  Print






News - Nagpur | Posted : 2019-01-05






Related Photos