महत्वाच्या बातम्या

 जिल्हाधिकारी कार्यालय चंद्रपूर येथे मुख्यमंत्री सचिवालय कक्ष स्थापन


- प्रशासन होईल अधिक गतिशिल

विदर्भ न्यूज एक्सप्रेस 
प्रतिनिधी / चंद्रपूर : जिल्ह्यातील सर्वसामान्य जनतेचे दैनदिन प्रश्न, शासन स्तरावर असलेली कामे, त्यासंदर्भात प्राप्त होणारे अर्ज, निवेदने, यामध्ये अधिक लोकाभिमुखता, पारदर्शकता व गतिमानता आणण्याच्या दृष्टीने, त्याच प्रमाणे ग्रामीण भागातील नागरिकांचे प्रलंबित प्रश्न तातडीने सोडवून परिणामकारक निपटारा होण्यासाठी प्रत्येक जिल्हास्तरावर मुख्यमंत्री सचिवालय कक्ष स्थापन करण्याचा निर्णय घेण्यात आला आहे. त्याअनुषंगाने, चंद्रपूर जिल्ह्यातील नागरीकांचे माननीय मुख्यमंत्री यांचेशी संबंधीत अर्ज, निवेदन आदींवर कार्यवाही करण्याकरीता जिल्हाधिकारी कार्यालय, चंद्रपूर येथे मुख्यमंत्री सचिवालय कक्ष स्थापन करण्यात आला आहे. 

जिल्हा स्तरावरावरील मुख्यमंत्री सचिवालय कक्षाच्या क्षेत्रीय कार्यालयाचे पदसिध्द विशेष कार्य अधिकारी म्हणून निवासी उपजिल्हाधिकारी विशालकुमार मेश्राम यांची नेमणूक करण्यात आली आहे. राज्यातील सर्वसामान्य जनतेचे दैनदिन प्रश्न, शासनस्तरावर असलेली कामे, त्यासंदर्भात प्राप्त होणारे अर्ज, निवेदने, संदर्भ मुख्यमंत्री सचिवालय कक्ष मंत्रालय, मुंबई येथे स्विकारून त्यावर कार्यवाही करण्याकरीता संबंधित क्षेत्रीय स्तरावरील शासकीय यंत्रणेकडे उचित कार्यवाहीसाठी पाठविण्यात येतात. मात्र, यामध्ये अधिक लोकाभिमुखता, पारदर्शकता व गतिमानता आणण्याच्या अनुषंगाने विभागीय आयुक्त कार्यालय स्तरावर मुख्यमंत्री सचिवालय कक्षाचे क्षेत्रीय कार्यालय स्थापन करण्यात आले आहे.

सदर कक्षामार्फत सर्वसामान्य जनतेचे दैनंदिन प्रश्न, शासन स्तरावर असलेली कामे व त्यासंदर्भात प्राप्त होणारे अर्ज, निवेदने इत्यादीवर कार्यवाही करण्यात येत आहे. सदर कार्यवाहीमध्ये अधिकाधिक व प्रभावीपणे लोकाभिमुखता, पारदर्शकता व गतिमानता आणण्याच्या दृष्टीने जिल्हाधिकारी कार्यालय, चंद्रपूर येथे मुख्यमंत्री सचिवालय कक्ष स्थापन करण्यात आला आहे.





  Print






News - Chandrapur




Related Photos