महत्वाच्या बातम्या

राष्ट्रीय सेवेत करिअरची सुवर्णसंधी : CAPF मध्ये ५५ हजार सैनिकांच्या भरतीस मंजुरीची अपेक्षा

विदर्भ न्यूज एक्सप्रेस
वृत्तसंस्था / नवी दिल्ली : राष्ट्रीय सेवेत करिअर घडवू इच्छिणाऱ्या तरुणांसाठी मोठी संधी उपलब्ध झाली आहे. भारतीय तिबेट बटालियन पोलीस (ITBP), केंद्रीय राखीव पोलीस दल (CRPF), सीमा सुरक्षा दल (BSF) आणि इतर केंद्रीय सशस्त्र पोलीस दल (CAPF) मध्ये सैनिकांच्या भरतीचा मार्ग मोकळा झाला आहे.

केंद्रीय सशस्त्र पोलीस दलांमध्ये (CAPF) ५३ नवीन बटालियन सुरू करण्याचा प्रस्ताव गृह मंत्रालयाला पाठवण्यात आला आहे. मीडिया रिपोर्ट्सनुसार, या प्रस्तावावर गंभीर विचार सुरू असून, लवकरच मंजुरी मिळण्याची अपेक्षा आहे. प्रस्ताव मंजूर झाल्यानंतर तब्बल ५५ हजार जवानांची भरती करण्यात येणार आहे.

CRPF मध्ये २२ हजार सैनिकांची भरती -
प्राप्त माहितीनुसार, केंद्रीय राखीव पोलीस दल (CRPF) मध्ये २० नवीन बटालियन तयार करण्याचा प्रस्ताव आहे. या नव्या बटालियनमुळे CRPF मध्ये २२ हजार जवानांची भरती केली जाईल. गृहविभागाशी संबंधित स्थायी समितीचे अध्यक्ष डॉ. राधामोहन दास यांनी हा अहवाल नुकताच राज्यसभेत मांडला.

इतर CAPF मध्ये ३३ हजार सैनिकांची भरती -

उर्वरित बटालियन BSF, ITBP, SSB आणि आसाम रायफल्ससह इतर CAPF मध्ये स्थापन केल्या जाणार आहेत:

SSB: १ नवीन सेक्टर आणि १२ नवीन बटालियन
BSF: २ अतिरिक्त सेक्टर आणि १२ नवीन बटालियन
आसाम रायफल्स: ५ नवीन बटालियन

या नव्या बटालियनमुळे ITBP आणि इतर CAPF मध्ये ३३ हजार सैनिकांची भरती केली जाईल.

सारांश
राष्ट्रीय सुरक्षा दलांमध्ये मोठ्या प्रमाणावर नवीन संधी निर्माण होत असून, देशसेवेची स्वप्ने पाहणाऱ्या तरुणांसाठी सुवर्णसंधी उपलब्ध झाली आहे.