महत्वाच्या बातम्या

अहेरीत मालवाहू टेम्पोने दुचाकीला जोरदार धडक दिला : महिला गंभीर जखमी

विदर्भ न्यूज एक्सप्रेस
तालुका प्रतिनिधी / अहेरी : मोदूमडगू पुलाजवळ रविवार, ८ मार्च दुपारी सुमारास १२:३० वाजता एक गंभीर अपघात घडला, ज्यात मालवाहू टेम्पोने रिव्हर्स घेत असताना दुचाकीवर जोरदार धडक दिली. या धडकेत दुचाकीवरील महिला जयंती डिमल पाल (५८, रा. आलापल्ली) गंभीर जखमी झाली.

अपघाताचे तपशील -
जयंती पाल त्यांच्या पायाला तीन ठिकाणी फ्रॅंक्चर झाले असून, तातडीने आलापल्ली येथील खासगी रुग्णालयात उपचारासाठी दाखल करण्यात आले.

जयंती पाल ही त्यांच्या पती विमल हरीपथ पाल व नातवंडासह दुचाकीवर मोदूमडगू येथे नातेवाइकाकडे जात होत्या. अपघाताचे मुख्य कारण मालवाहू टेम्पो (क्र. एमएच ३३ टी ४७५२) चा चालक मागे न पाहता अचानक रिव्हर्स घेणे असल्याचे सांगितले जात आहे. टेम्पोचा लोखंडी रॉड जयंती पाल यांच्या उजव्या पायाला लागल्यामुळे ती गंभीर जखमी झाली.

चालक पसार -
अपघातानंतर टेम्पोचा चालक वाहनासह पसार झाला. जयंती पाल यांचा मुलगा विपुल पाल यांनी या घटनेची तक्रार पोलिसांत नोंदवली आहे.

सध्या स्थिती -
जखमी महिलांवर उपचार सुरू असून त्यांच्या प्रकृतीबाबत माहिती अद्याप अधिक तपासण्याची गरज आहे. पोलिस या प्रकरणी तपास सुरू ठेवले आहेत आणि चालकाचा शोध घेत आहेत.