महत्वाच्या बातम्या

 तीन लाख बालकांना देण्यात येणार जंतनाशक गोळया : जिल्हाधिकारी संदिप कदम


- 10 आक्टोंबर 2022 जंतनाशक दिन 

- 17 आक्टोंबर 2022 मॉप-अप दिन 

विदर्भ न्यूज एक्सप्रेस 

प्रतिनिधी / भंडारा : राष्ट्रीय जंतनाशक दिनानिमित्त सोमवार 10 आक्टोंबर 2022 व मॉप-अप दिन 17 आक्टोंबर 2022 रोजी ग्रामिण व शहरी भागातील 1 ते 19 वर्षे वयोगटातील 2 लक्ष 90 हजार 269 बालकांना जंतनाशक गोळया खाऊ घालण्यात येणार आहेत. या मोहिमेसाठी आरोग्य विभाग, शिक्षण विभाग (प्राथमिक व माध्यमिक), महिला व बाल विकास विभागातील कर्मचाऱ्यांची नियुक्ती करण्यात आली आहे. 23 सप्टेंबर 2022 रोजी आयोजीत जिल्हा दक्षता समिती सभेत सर्व बालकांपर्यंत जंतनाशक गोळया पोहचवून त्यास ती खाऊ घालतील, तसे गोळया खाऊ घातलेल्या प्रत्येक बालकाची नोंद ठेवण्याच्या सुचना जिल्हाधिकारी संदिप कदम यांनी दिल्या आहेत.

जंतनाशक दिनानिमीत्त आयोजीत जिल्हा दक्षता समिती सभेत जिल्हाधिकारी यांचे अध्यक्षतेत, मुख्य कार्यकारी अधिकारी विनय मुन, जिल्हा आरोग्य अधिकारी डॉ.मिलींद सोमकुवर, जिल्हा शल्य चिकित्सक डॉ.सोयाम, जिल्हा माताबाल संगोपण व लसीकरण अधिकारी डॉ.मनिषा साकोडे, अतिरिक्त जिल्हा आरोग्य अधिकारी डॉ.महेंद्र धनविजय, शिक्षण विभाग, महिला बालकल्याण विभाग, तालुका आरोग्य अधिकारी सभेला उपस्थित होते.

आरोग्य विभाग, शिक्षण (प्राथमिक व माध्यमिक) व बाल विकास विभाग यांच्या संयुक्त विद्यमाने ही मोहिम राबविण्यात येणार आहे. जिल्हयातील शाळा/विद्यालय/महाविद्यालय/ तांत्रिक संस्था 1396, अंगणवाडी केंद्र 1417 व आरोग्य संस्था इत्यादी ठिकाणी जंतनाशक मोहिम राबविण्यात येणार आहे. या मोहिमेकरीता अल्बेंडाझॉलची गोळी वयोगटानुसार देण्यात येणार आहे.

सोमवार 10 आक्टोंबर 2022 रोजी अंगणवाडी, शासकिय व निमशासकिय शाळा, विद्यालय, महाविद्यालय व तांत्रिक संस्था तसेच शाळाबाहय विदयार्थ्यांना समुदाय स्तरावर अल्बेंडाझॉलची ही जंतनाशकगोळी गोळी देण्यात येणार आहे. या दिवशी सर्व विदयार्थी शाळेत उपस्थित राहतील याची दक्षता घ्यावी. अनुपस्थित असणाऱ्या, आजारपणामुळे किंवा अन्य कारणांमुळे अल्बेंडाझॉलची गोळी सेवन न केलेल्या विदयार्थ्यांना 17 आक्टोंबर 2022 आयोजीत मॉप-अप दिनी अंगणवाडी, शासकिय व निमशासकिय शाळा, विद्यालय, महाविद्यालय व तांत्रिक संस्था व शाळाबाहय विदयार्थ्यांना अल्बेंडाझॉलची गोळी खाऊ घालण्याची सोय करण्यात आली आहे. तसेच 10 ते 17 आक्टोंबर 2022 पर्यंत जंतनाशक गोळया खाऊ घालण्याची मोहिम राबविण्यात येणार आहे.

अल्बेंडाझॉलची गोळी वयोगटानुसार सेवन केल्यास कोणतेही दूष्परिणाम नसल्याने शासकिय, खासगी शाळेत किंवा अंगणवाडीत विदयार्थ्यांना अल्बेंडाझॉलची गोळी वयोगटानुसार देण्याकरीता पालकांची संमतीची आवश्यकता नाही. परिणामी जंतनाशक गोळयांचे परिणाम व महत्व पठवून देण्यासाठी आरोग्य विभागाकडून जनजागृती करण्यात येत आहे. 1 ते 19 वयोगटातील 100 टक्के विदयार्थ्यांना जंतनाशक गोळया खाऊ घालण्यात यावे असे आवाहन जिल्हा आरोग्य अधिकारी डॉ.मिलींद सोमकुवर, जिल्हा माताबाल संगोपण अधिकारी डॉ.मनिषा साकोडे यांनी केले आहे.





  Print






News - Bhandara




Related Photos