Petrol Price
बल्लारपुरात अवैध रेती वाहतूक करणारे ट्रॅक्टर पकडले : ५.०५ लाखांचा मुद्देमाल जप्त
विदर्भ न्यूज एक्सप्रेस
तालुका प्रतिनिधी / बल्लारपूर : शहरातील आंबेडकर वॉर्ड परिसरात अवैधरित्या रेतीची वाहतूक होत असल्याची माहिती मिळताच बल्लारपूर पोलिसांनी कारवाई केली. स्टार वाईन शॉपजवळील मोकळ्या जागेत रेतीने भरलेले ट्रॅक्टर आढळून आले. पोलिसांनी ट्रॅक्टर, ट्रॉली आणि एक ब्रास रेती असा एकूण ५ लाख ५ हजार रुपयांचा मुद्देमाल ताब्यात घेतला. याप्रकरणी ट्रॅक्टरचालक पुरुषोत्तम रामकृष्ण राऊत ४५ वर्ष रा. अमितनगर, बामणी, ता. बल्लारपूर आणि ट्रॅक्टरमालकाविरुद्ध गुन्हा नोंदविण्याची प्रक्रिया करण्यात आली.
रविवार, २५ ऑक्टोबर रोजी बल्लारपूर पोलीस ठाण्यात कर्तव्यावर असलेले पोलीस हवालदार नागोराव भेंडेकर यांना आंबेडकर वॉर्ड परिसरातून अवैधरित्या रेती भरून ट्रॅक्टर वाहतूक करत असल्याची गोपनीय माहिती मिळाली. या माहितीच्या आधारे त्यांनी पोलीस शिपाई लखन यांच्यासह घटनास्थळी धाव घेतली.
यावेळी आंबेडकर वॉर्डातील स्टार वाईन शॉपजवळ एमएच-३४ बीव्ही २६८२ क्रमांकाचा ट्रॅक्टर आणि एमएच-३४ ए ६१८० क्रमांकाची ट्रॉली उभी असल्याचे दिसून आले. पोलिसांनी तपासणी केली असता ट्रॉलीमध्ये अंदाजे एक ब्रास रेती भरलेली आढळली. ट्रॅक्टरचालक पुरुषोत्तम राऊत याच्याकडे रेती वाहतुकीचा परवाना (टी.पी.) मागितला असता, त्याच्याकडे कोणताही परवाना नसल्याचे समोर आले.
रेतीच्या स्रोताबाबत तसेच ती कुठे नेली जात होती आणि ट्रॅक्टरचा मालक कोण आहे, याबाबत विचारणा केली असता चालकाने समाधानकारक उत्तरे दिले नाही. त्यानंतर घटनास्थळाचा पंचनामा करून रेती वाहतुकीसाठी वापरण्यात आलेला ट्रॅक्टर व ट्रॉली, अंदाजे पाच लाख रुपये किमतीचे वाहन आणि पाच हजार रुपये किमतीची एक ब्रास रेती, असा एकूण पाच लाख पाच हजार रुपयांचा मुद्देमाल जप्त करण्यात आला.
या प्रकरणी ट्रॅक्टरचालक आणि ट्रॅक्टरमालकाविरुद्ध भारतीय न्याय संहितेतील कलम ३०३(२), ४९ तसेच महाराष्ट्र जमीन महसूल अधिनियमाच्या कलम ४८(७) अन्वये कायदेशीर कारवाई करण्यात येत आहे. या कारवाईमुळे शहरातील अवैध रेती वाहतुकीचा मुद्दा पुन्हा चर्चेत आला आहे.
 मागितला असता, त्याच्याकडे कोणताही परवाना नसल्याचे समोर आले.रेतीच्या स्रोताबाबत तसेच ती कुठे नेली जात होती आणि ट्रॅक्टरचा मालक कोण आहे, याबाबत विचारणा केली असता चालकाने समाधानकारक उत्तरे दिले नाही. त्यानंतर घटनास्थळाचा पंचनामा करून रेती वाहतुकीसाठी वापरण्यात आलेला ट्रॅक्टर व ट्रॉली, अंदाजे पाच लाख रुपये किमतीचे वाहन आणि पाच हजार रुपये किमतीची एक ब्रास रेती, असा एकूण पाच लाख पाच हजार रुपयांचा मुद्देमाल जप्त करण्यात आला.या प्रकरणी ट्रॅक्टरचालक आणि ट्रॅक्टरमालकाविरुद्ध भारतीय न्याय संहितेतील कलम ३०३(२), ४९ तसेच महाराष्ट्र जमीन महसूल अधिनियमाच्या कलम ४८(७) अन्वये कायदेशीर कारवाई करण्यात येत आहे. या कारवाईमुळे शहरातील अवैध रेती वाहतुकीचा मुद्दा पुन्हा चर्चेत आला आहे.)
