महत्वाच्या बातम्या

खाजगी रुग्णालयाच्या माध्यमातून जनतेला चांगल्या प्रकारची सेवा द्या : आमदार देवराव होळी

- आरमोरी येथे सर्व प्रकारच्या कॅन्सर वरील उपचार व शस्त्रक्रिया सोई युक्त खासगी रुग्णालयाचे थाटात उदघाटन
विदर्भ न्युज एक्सप्रेस
प्रतिनिधी / गडचिरोली : गडचिरोली जिल्ह्यातील कॅन्सर रुग्णांना गडचिरोली येथे उपचाराची सोय नसल्याने नागपूर पर्यंत पायपीट करावी लागत होती. मात्र आता आरमोरी येथे सर्व प्रकारच्या कॅन्सर वरील उपचार व शस्त्रक्रिया होणार असून या खाजगी रुग्णालयाने जनतेला चांगल्या प्रकारची सेवा द्यावी अशी सूचना आमदार देवराव होळी यांनी आरमोरी येथील सर्व सोई युक्त कॅन्सर रुग्णालयाचे उदघाटन करतांना उपचार करणाऱ्या डॉक्टरांना केली.
यावेळी प्रसिद्ध कॅन्सर तज्ञ डॉ. प्रवीणजी गंटावार, डॉ. शिलू चिमुरकर यांचेसह वैद्यकिय अधिकारी प्रामुख्यानं उपस्थित होते.
गडचिरोली जिल्ह्यात आरमोरी येथे प्रथमच कॅन्सर वरील उपचार सुरू केले आहेत. आपल्या गडचिरोली जिल्ह्यातील रुग्णांना त्याचा नक्कीच लाभ मिळेल व सेवा उपलब्ध होईल असा विश्वास त्यांनी यावेळी व्यक्त केला.