महत्वाच्या बातम्या

अहेरी येथे भाजपाचे नवनियुक्त जिल्हाध्यक्ष प्रशांत वाघरे यांचा राजे अम्ब्रीशराव आत्राम यांच्या हस्ते सत्कार

- अहेरी विधानसभा क्षेत्रातील सर्व बूथ मजबूत करून आगामी निवडणुका जिंकण्यासाठी जोमाने कामाला लागा : भाजपा जिल्हाध्यक्ष प्रशांत वाघरे यांचे प्रतिपादन

विदर्भ न्यूज एक्सप्रेस

तालुका प्रतिनिधी / अहेरी : भाजपाचे नवनियुक्त जिल्हाध्यक्ष प्रशांत वाघरे यांचे प्रथम आगमनानिमित्याने अहेरी येथील माता कन्यका मंदिरात नुकत्याच झालेल्या भाजपा पदाधिकारी व कार्यकर्ता बैठकीत माजी पालकमंत्री तथा भाजपाचे अहेरी विधानसभा प्रमुख राजे अम्ब्रीशराव आत्राम यांच्या हस्ते शाल, श्रीफळ आणि पुष्पगुच्छ देऊन सत्कार करण्यात आला, तसेच भावी वाटचालीसाठी राजेंनी प्रशांत वाघरे यांना शुभेच्छा दिल्या.

यावेळी भाजपा अहेरी तालुका तसेच भाजपा अहेरी नगरपंचायत गटातर्फे ही भाजपा जिल्हाध्यक्ष प्रशांतभाऊ वाघरे यांचा शाल, श्रीफळ, आणि पुष्पगुच्छ देऊन सत्कार करण्यात आले.

सत्काराला उत्तर देतांना अहेरी विधानसभा क्षेत्रातील प्रत्येक घराघरात केंद्र व राज्य सरकारचा कल्याणकारी योजनेची माहिती द्या, प्रत्येक ठिकाणी ३० सदस्यांची मजबूत बूथ कमेटी बनवून आगामी जिल्हा परिषद, पंचायत समिती सह लोकसभा आणि विधानसभा निवडणूक जिंकण्यासाठी भाजपा पदाधिकारी व कार्यकर्त्यांनी आतापासूनच जोमाने कामाला लागावे, असे प्रतिपादन प्रशांतभाऊ वाघरे यांनी यावेळी केले, तसेच वेळोवेळी सहकार्य आणि पाठबळ दिल्याबद्दल त्यांनी राजे अम्ब्रीशराव महाराज यांचे आभार मानले.

कार्यक्रमाचे प्रास्ताविक आणि संचलन नगरसेवक अमोल गुडेल्लीवार यांनी केले. तर यावेळी जेष्ठ नेते बाबुराव कोहळे, जिल्हा महामंत्री रवींद्र ओलालवार, परशुराम कुत्तरमारे, दिपक सातपुते, भाजपा अहेरी तालुका अध्यक्ष रवी नेलकुद्री, संदिप कोरेत, भाजपा तालुका महामंत्री संतोष मद्दीवार, मुकेश नामेवार, पोशालू सुधरी, शंकर मगडीवार, संजय अलोने, सागर डेकाटे, गुड्डू सलामे, विजया विठ्ठलानी, शालीनी पोहणेकर, शकुंतला दुर्गम, विकास तोडसाम, विकास उईके, विनोद जिल्हेला, राकेश कोसरे सह अहेरी तालुक्यातील शक्ती केंद्र प्रमुख, बूथ प्रमुख, भाजपा पदाधिकारी व कार्यकर्ते मोठ्या संख्येने उपस्थित होते.