महत्वाच्या बातम्या

नागरिकांच्या सोयीसाठी पोलिसांनी श्रमदानातून बुझविले खड्डे

विदर्भ न्यूज एक्सप्रेस

तालुका प्रतिनिधी / कोरची : सध्या सर्वत्र वातावरण तापत असून वाढत्या उन्हामुळे नागरिकांना गैरसोय होता कामा नये म्हणून पोलीस स्टेशन कोरची येथे श्रमदानातून खड्डे बुजवून नागरिकांची सावलीत थांबण्याची व्यवस्था करण्यात आली. २७ मे ला सकाळी पोलीस स्टेशन कोरची येथील आवारात असलेल्या वृक्षाच्या खाली खड्ड्यांमध्ये मुरूम भरून श्रमदानाने खड्डे बुजवण्यात आले. कार्यालयीन कामाकरिता पोलीस स्टेशन कोरची येथे नागरिकांची रेलचेल असते परंतु त्यांना आश्रय घेण्याकरिता आवारात सावलीत जागा नाही हे सहायक पोलीस निरीक्षक गणेश फुलकुवर यांच्या निदर्शनास येतात त्यांनी स्वतः पोलीस विभागाच्या कर्मचाऱ्यांसोबत फावडे घेऊन श्रमदानाने खड्डे बुजवण्याचे कार्य केले. दुचाकी सावलीत ठेवण्यासाठी व लोकांना आश्रय घेण्यासाठी पुरेपूर पर्यायी व्यवस्था करून देण्यात आली. सदर उपक्रम सहायक पोलीस निरीक्षक गणेश फुलकुवर यांच्या मार्गदर्शनाखाली पोलीस कर्मचाऱ्यांतर्फे करण्यात आले. यावेळी पोलीस उपनिरीक्षक विठ्ठल सूर्यवंशी व पोलीस विभागाचे कर्मचारी यांनी सहकार्य केले.