पवनार येथे ऑटोला झालेल्या अपघातात महिला शिक्षीकेचा मृत्यू, एक गंभीर


विदर्भ न्यूज एक्सप्रेस
जिल्हा प्रतिनिधी / वर्धा :
सेलु - वर्धा मार्गावर असलेल्या पवनार नजिकच्या एस्सार पेट्रोल पंपासामोर वर्धा येथून सेलुकडे येणाऱ्या ऑटोला मागाहून नागपुरच्या दिशेने जाणाऱ्या पांढऱ्या रंगाच्या स्विप्ट डिझायर कारने जबर धडक दिली असता ऑटो पलटी झाला. सदर घटनेत एका महिला शिक्षिकेचा म्रुत्यू झाला असून पाच लोक जखमी झाले असून सेवाग्राम रुग्णालयात त्यांच्यावर उपचार सुरु आहे. ही घटना आज  २०  ऑगस्ट रोजी  सकाळी १०.३० वाजताच्या दरम्यान घडली.श्रद्धा श्रीकांत कदम असे मृतक शिक्षिकेचे नाव आहे. 
  शिक्षिका रेखा भोयर,शुभांगी तिमसे,नितीन लोहकरे,किर्ती लोहकरे,श्रद्धा श्रीकांत कदम व अन्य प्रवासी वर्धा येथून  एमएच  ३२ बि ७६१९ या क्रमांकाच्या ऑटो ने निघाले असता पवनार नजिकच्या एस्सार पेट्रोल पंपाजवळ मागाहून येणाऱ्या कार ने धडक दिली . यात ऑटो पलटी  झाला. सदर घटनेत यशवंत विद्यालय,घोराड येथील शिक्षिका श्रध्दा कदम ही गंभीर जखमी झाली.अति रक्तस्त्राव झाल्याने तिचा म्रुत्यू झाला तर अन्य जखमींना सेवाग्राम रुग्णालयात उपचारार्थ दाखल करण्यात आले असून त्यांचेवर उपचार सुरु आहे. यात ऑटो चालक नाना कटरे रा. घोराड हा  किरकोळ  जखमी झाला.

 



  Print






News - Wardha | Posted : 2018-08-20






Related Photos