महत्वाच्या बातम्या

 आदर्श महाविद्यालयात अर्थशास्त्रीय मॉडेल्स प्रदर्शनीचे आयोजन


- संशोधन वृत्तीचे विद्यार्थीच देशाला प्रगती पथावर नेऊ शकतात : डॉ. शंकर कुकरेजा

विदर्भ न्यूज एक्सप्रेस 
प्रतिनिधी / देसाईगंज : विज्ञान आणि सामाजिक क्षेत्रातील नव संशोधने समाज व देशाच्या उन्नती मध्ये महत्वपूर्ण असतात. संशोधक वृत्तीचे विद्यार्थी विकासाच्या मार्गातील समस्या ओळखून संशोधनाद्वारे त्या समस्यांना दूर सारून देशाच्या सर्वांगीण विकासास हातभार लावतात. म्हणून संशोधन वृत्तीचे विद्यार्थीच देशाला प्रगती पथावर नेऊ शकतात. स्थानिक आदर्श कला, वाणिज्य व विज्ञान महाविद्यालयात अर्थशास्त्रीय मॉडेल्स प्रदर्शनीमध्ये विद्यार्थ्यांनी विविध अर्थशास्त्रीय संकल्पनांवर आधारित प्रदर्शित मॉडेल्स खरच वाखाण्याजोगे आहे. असे मत महाविद्यालयाचे प्राचार्य डॉ. शंकर कुकरेजा यांनी व्यक्त केले.

महाविद्यालयातील अर्थशास्त्र विभागाच्या वतीने अर्थशास्त्रीय संकल्पनांवर आधारित मॉडेल्स प्रदर्शनी आयोजित करण्यात आली. यात एकूण 12 मॉडेल्स प्रदर्शनासाठी ठेवण्यात आले होते. प्रदर्शनामध्ये बीए भाग 1, 2 व 3 च्या विद्यार्थ्यांनी सहभाग घेतला. प्रदर्शनी मध्ये मुद्रेची उत्क्रांती, पर्यावरण हानी, ग्रामीण अर्थव्यवस्था, अर्थव्यवस्थेतील संरचनात्क बदल, बँकिंग व्यवस्था, शाश्वत शेती, वायू प्रदूषण, जल प्रदूषण, पारंपरिक ऊर्जा स्त्रोत, सोलर सिंचन व्यवस्था, एकाधीकार बाजारपेठ, केंद्रीय अधिकोष अशी विविध मॉडेल्स तयार करून ते प्रदर्शनासाठी ठेवण्यात आले.

संशोधक वृत्तीचे विद्यार्थी समाजाच्या समस्यांना डोळसपणे बघून त्या दूर करण्यासाठी प्रयत्नशील असतो. विद्यार्थ्यांनी आत्मसात केलेल्या ज्ञानातून संशोधक वृत्ती निर्माण करण्याच्या उद्देशाने ही प्रदर्शनी भरविण्यात आली. असे मत  अर्थशास्त्र विभाग प्रमुख प्रा. निहार बोदेले यांनी मांडले. प्रदर्शनाला सर्व प्राध्यापक वृंद, महाविद्यालयातील विविध विद्याशाखेच्या विद्यार्थ्यांनी भेटी दिल्या. प्रदर्शनीमध्ये प्रकल्प सादर करणाऱ्या विद्यार्थ्यांचे अभिनंदन केले.





  Print






News - Gadchiroli




Related Photos