महत्वाच्या बातम्या

धुलीवंदनाच्या दिवशी जिल्ह्यात दारूची दुकाने बंद

विदर्भ न्यूज एक्सप्रेस
प्रतिनिधी / नागपूर : जिल्ह्यात ३ मार्च २०२६ रोजी धुलीवंदन उत्सव मोठया प्रमाणात साजरा होत असल्याने या दिवशी कायदा व सुव्यवस्था अबाधित राखण्याच्या दृष्टीने किरकोळ देशी आणि विदेशी मद्य विकीची दुकाने (अनुज्ञप्त्या) बंद ठेवण्यात येणार आहे. नागपूर जिल्हयात या सणाच्या दिवशी कायदा व सुव्यवस्था अबाधित ठेवण्याच्या दृष्टीने जिल्हयातील मदय विक्रीच्या अनुज्ञप्त्या बंद ठेवण्यात येणार आहे.

३ मार्च २०२६ रोजी धुलीवंदन उत्सव-२०२६ या सणादरम्यान कायदा व सुव्यवस्था अबाधित राखण्यासाठी जिल्हयातील सर्व मंजूर व कार्यान्वीत असलेल्या नमुना-ई, नमुना-ई-२, एफएलडब्लु-२. सीएल-२, सीएल-३, एफएल-१, एफएल-२, सीएलएफएलटिओडी-३, एफएल-३, एफएल-४(अे), एफएलबीआर-२, व टिडी-१ हया अनुज्ञप्त्या संपूर्ण दिवस बंद ठेवण्याचे आदेशीत करण्यात आले आहे. जे अनुज्ञप्तीधारक या आदेशाचा भंग करतील त्यांच्याविरूध्द नियमानुसार सक्तीची कार्यवाही करण्यात येईल, याची त्यांनी नोंद घ्यावी, असे आदेशात म्हटले आहे.