महत्वाच्या बातम्या

महानगरपालिका आंतरशालेय बॅडमिंटन स्पर्धेत सोमलवार निकालस संघाचा विजय

विदर्भ न्यूज एक्सप्रेस

प्रतिनिधी / नागपूर : जिल्हा क्रीडा अधिकारी, नागपूरतर्फे आयोजित मनपा आंतरशालेय बॅडमिंटन स्पर्धेत १७ वर्षांखालील मुलांच्या गटातील अंतिम सामन्यात सेंटर पॉईंट स्कूल, दाभाचा २-० ने पराभव करीत सोमलवार निकालस संघाने विजेतेपद प्राप्त केले आहे. अंतिम सामन्यात प्रथम एकेरीत अनिमेष मानकेने सेंटर पॉईंट स्कूल, दाभाच्या दक्षचा २१-१०, २१-१५ ने पराभव करीत १-० अशी बढत प्राप्त केले. तर दुहेरीच्या सामन्यात प्रणय गादेवार व रोहन देशमुख यांनी उत्कृष्ट खेळाचे प्रदर्शन करीत सेंटर पॉईंट स्कूल दाभाच्या आर्यन साधनकर व कृष्णा यांचा २१-१०, २१-११ असा सरळ पराभव करीत १७ वर्षांखालील मुलांच्या गटातील विजेतेपद प्राप्त केले व विभागीय स्पर्धेसाठी निवड सुनिश्चित केले. नागपुरातील उदयोन्मुख खेळाडू प्रणय गादेवार याची नुकतीच महाराष्ट्र संघात मिक्स डबलमध्ये भुवनेश्वर, ओडीशा येथे होणाऱ्या राष्ट्रीय बॅडमिंटन स्पर्धेसाठी निवड झालेले आहे. संस्थेचे सचिव प्रकाश सोमलवार यांनी संस्थेतर्फे तसेच प्राचार्य दामोदर ठोंबरे, शिक्षक व शिक्षकेतर कर्मचाऱ्यांनी विजयी संघाचे अभिनंदन करून शुभेच्छा दिले.