Petrol Price
सिंदेवाही पोलिस स्टेशन कडून सार्वजनिक गणेश मंडळांचा गौरव : मिनघरी गणेश मंडळ ठरले अव्वल !
- गणेशोत्सवाला सामाजिक कार्याची जोड
विदर्भ न्यूज एक्सप्रेस
तालुका प्रतिनिधी / सिंदेवाही : पोलीस स्टेशन तर्फे गणेशोत्सव शांततेत, सुरक्षित आणि सामाजिक सलोख्याच्या वातावरणात साजरा व्हावा तसेच समाजात महत्वपुर्ण विषयांवर जनजागुती निर्माण व्हावी यासाठी सिंदेवाही पोलीस स्टेशनच्या वतीने परिसरातील सार्वजनिक गणेश उत्सव मध्ये स्पर्धा आयोजित करण्यात आली होती.या स्पर्धेचा निकाल नुकताच जाहीर करण्यात आला.
सदर स्पर्धेचे मुल्यांकन निकष हे पांरपारिक वादय, गाव स्वच्छता अभियान, स्पर्धेत भाग घेण्याऱ्या मंडळात महिला, बालक, तरूण व जेष्ठ नागरिक यांचा समावेश असावा, समाज प्रबोधन देखावे, वृक्ष लागवड, व्यसनमुक्त मंडळ, मंडळामध्ये सोशल मिडीयांचा समारात्मक वापर, मुर्ती पर्यावरणपुरक असावी, मंडळात स्वयसेवक शिस्तीचे पालन, विसर्जन दिलेल्या वेळेत पुर्ण करणे, शासकिय नियमांचे पालन, विज नियमानुसार घेणे अशा प्रकारचे ठेवण्यात आले होते.
सदर स्पर्धेत प्रथम पारितोषीक श्री. गणेश मंडळ मिनघरी यांनी पटकावला त्यांना ११,१११/-रू, मानचिन्ह व प्रमाणपत्र देण्यात आले. द्वितीय पारितोषीक बुध्दीविधाता गणेश मंडळ लोनवाही यांनी पटकावला त्यांना ७,७७७/- रू, मानचिन्ह व प्रमाणपत्र देण्यात आले. तृतीय पारितोषीक जय बजरंग गणेश मंडळ वासेरा यांनी पटकावला त्यांना ५,५५५/- रु, मानचिन्ह व प्रमाणपत्र देण्यात आले. तसेच सहभागी गणेश मंडळाना प्रमाणपत्र देण्यात आले.
सदर स्पर्धेचे पर्यवेक्षक म्हणुन संदिपान जोगी, किशोर कावडे, मनोज पाकमोडे, प्रविण कोलप्याकवार यांनी मोलाची भुमिका दिल्याबददल त्यांना मानचिन्ह व प्रमाणपत्र देवुन सन्मानित करण्यात आले. सदर कार्यक्रम सिंदेवाही पोलिस स्टेशन चे पोलीस निरीक्षक लता वाडीवे यांचे अध्यक्षतेत झाले असुन सदर कार्यक्रमास प्रमुख पाहुणे म्हणुन ब्रम्हपुरी पोलीस स्टेशन पोलीस निरीक्षक कांचन पांडे हे लाभले तसेच सह अधिकरी सहाय्यक पोलिस निरीक्षक सतीश मेश्राम पोलिस उपनिरीक्षक श्रीकांत लांजेवार, पोलीस स्टेशन सिंदेवाही येथिल अधिकारी,कर्मचारी व मंडळाचे सदस्य हजर होते.
