महत्वाच्या बातम्या

देवरी तालुक्यातील गोतनपार गावातील १२ वर्षीय मुलीवर बलात्कार करणाऱ्या दोषीला फाशीची शिक्षा झाली पाहिजे : पंकज एस यादव

- पीडित मुलीला न्याय न मिळाल्यास शिवसेना (उद्धव बाळासाहेब ठाकरे) प्रशासनाविरोधात आंदोलन करेल

विदर्भ न्यूज एक्सप्रेस

प्रतिनिधी / गोंदिया : गोंदिया जिल्ह्यातील देवरी तालुक्यातील काकोडी परिसरातील गोतनपार गावात एका विवाह सोहळ्यात एका तरुणाने १२ वर्षीय निष्पाप मुलीचे अपहरण करून जवळच्या जंगलात तिच्यावर अत्याचार करून तिचा शिरच्छेद केला. त्या निष्पाप मुलीची हत्या केली. जिल्ह्यात महिलांवरील अत्याचारात दिवसेंदिवस वाढ होत आहे. एकीकडे केंद्र सरकार आणि राज्य सरकारच्या उदासीनतेमुळे अद्यापही आरोपींना शिक्षा झालेली नाही.

प्रशासन आणि शासनाच्या या कारभारामुळे अशा आरोपींना प्रोत्साहन मिळत आहे. या हृदयद्रावक घटनेचा शिवसेना जिल्हाप्रमुख पंकज यादव यांनी निषेध केला आहे. त्याला लवकर फाशीची शिक्षा न दिल्यास शिवसेना (उद्धव बाळासाहेब ठाकरे) शिवसेना स्टाईलने आंदोलन करेल. आणि जोपर्यंत फाशी होत नाही तोपर्यंत आंदोलन सुरूच ठेवणार असल्याची माहिती शिवसेना गोंदिया जिल्हाप्रमुख पंकज यादव यांनी दिली आहे.