प्रा. गणेश आत्राम इंग्रजी विषयात महाराष्ट्र सेट परीक्षा उत्तीर्ण

विदर्भ न्यूज एक्सप्रेस

तालुका प्रतिनिधी / एटापल्ली : महाराष्ट्र राज्यातील सहाय्यक प्राध्यापक पदासाठी घेण्यात येणारी राज्यस्तरीय पात्रता परीक्षा अर्थात सेट २६ मार्च २०२३ रोजी घेण्यात आली होती.

जि.प. कनिष्ठ महाविद्यालय एटापल्ली येथे इंग्रजी विषयाचे उच्च माध्यमिक शिक्षक या पदावर कार्यरत प्रा. गणेश जनार्धन आत्राम यांनी सावित्रीबाई फुले विद्यापीठ पुणे द्वारा संचालित सेट ही परीक्षा इंग्रजी या विषयात उत्तीर्ण केली आहे. त्यांनी एम.ए. इंग्रजी चे शिक्षण संत गाडगेबाबा विद्यापीठ अमरावती येथून पूर्ण केले आहे. त्यांनी आपल्या यशाचे श्रेय आपले कुटुंब आणि मित्र परिवाराला समर्पित केले आहे. ते मूळचे यवतमाळ जिल्ह्यातील पांढरकवडा येथील रहिवासी आहेत.