Petrol Price
जिल्ह्यातील ४ हजार शेतकऱ्यांना मिळणार सौर प्राणी प्रतिबंधक यंत्र : वन्यप्राण्यांच्या त्रासापासून पिकांचे संरक्षण
- शेतकऱ्यांनी २० नोव्हेंबरपर्यंत अर्ज सादर करण्याचे आवाहन
विदर्भ न्यूज एक्सप्रेस
प्रतिनिधी / नागपूर : जिल्ह्यातील प्रत्यक्ष व अप्रत्यक्ष खनिज बाधित क्षेत्रातील शेतकऱ्यांच्या पिकांचे जंगली वन्यप्राण्यांपासून होणारे नुकसान रोखण्यासाठी जिल्हा खनिज प्रतिष्ठान अंतर्गत प्रस्तावित योजनेतून जिल्ह्यातील चार हजार शेतकऱ्यांना ९० टक्के अनुदानावर सौर ऊर्जेवर चालणारे प्राणी प्रतिबंधक यंत्र उपलब्ध करून दिले जाणार असल्याची माहिती जिल्हा अधीक्षक कृषी अधिकारी यांनी दिली.
प्राणी प्रतिबंधक यंत्रामुळे पिकांचे नुकसान टळणार -
जिल्ह्यात भात, सोयाबीन, कापूस, तूर, गहू, हरभरा, भाजीपाला आणि फळपिके घेतली जातात. विशेषतः रात्रीच्या वेळी हरिण, नीलगाय, रानडुक्कर यांसारख्या वन्यप्राण्यांमुळे पिकांचे मोठ्या प्रमाणात नुकसान होते. यावर उपाय म्हणून डॉ. पंजाबराव देशमुख कृषी विद्यापीठ, अकोला येथील अपारंपरिक ऊर्जा स्रोत व विद्युत अभियांत्रिकी विभागाने हे विशेष यंत्र विकसित केले आहे. हे यंत्र पूर्णपणे सौर ऊर्जेवर चालणारे असून, सूर्यास्तानंतर स्वयंचलितपणे सुरू होते आणि सूर्योदयानंतर बंद होते. या यंत्रामधून प्रकाश व ध्वनीच्या माध्यमातून प्राण्यांना विनाप्राणघातक पद्धतीने शेतात प्रवेश करण्यापासून परावृत्त केले जाते. या एका यंत्राचा उपयोग अंदाजे २ हेक्टर क्षेत्रासाठी करता येतो.
योजनेची वैशिष्ट्ये -
या योजने अंतर्गत पात्र शेतकऱ्यांना यंत्राच्या किमतीवर ९० टक्के अनुदान देण्यात येणार असून प्रति लाभार्थी प्रस्तावित अनुदान सुमारे रु. नऊ हजार एवढे आहे. ही रक्कम थेट लाभ हस्तांतरण (DBT) पद्धतीने दिली जाणार असून खनिज निधीच्या प्रत्यक्ष बाधित क्षेत्रातील ७० टक्के आणि अप्रत्यक्ष बाधित क्षेत्रातील ३० टक्के पात्र लाभार्थ्यांना याचा लाभ मिळेल.
२० नोव्हेंबरपर्यंत अर्ज सादर करावे -
पात्र शेतकऱ्यांनी या योजनेचा लाभ घेण्यासाठी विहित पद्धतीने आवश्यक कागदपत्रे जोडून दि.२० नोव्हेंबर २०२६ पर्यंत आपले अर्ज संबंधित तालुका कृषी अधिकारी कार्यालयात सादर करावेत, असे आवाहन नागपूरच्या जिल्हा अधीक्षक कृषी अधिकारी डॉ. अर्चना कडू यांनी केले आहे.
लाभार्थी निवडीच्या महत्त्वाच्या अटी -
लाभार्थी नागपूर जिल्ह्यातील खनिज बाधित क्षेत्रातील पात्र गावातील शेतकरी असणे आवश्यक आहे. आत्मा अंतर्गत शेतकरी गट, शेतकरी उत्पादक कंपनी (FPC/FPO), महिला शेतकरी गट, सेंद्रिय शेती गट, शेतकरी स्वयंसहाय्यता संघ तसेच वन विभागांतर्गत पात्र शेतकरी गटातील सहभागी शेतकऱ्यांना लाभ दिला जाईल. लाभार्थी निवड प्रथम येणाऱ्यास प्रथम प्राधान्य या तत्त्वावर उपलब्ध अनुदानाच्या मर्यादेत केली जाईल. एका शेतकऱ्यास निकषानुसार केवळ एकच यंत्र दिले जाईल आणि ते स्वतःच्या शेतीच्या संरक्षणासाठी वापरणे बंधनकारक राहील.
 पद्धतीने दिली जाणार असून खनिज निधीच्या प्रत्यक्ष बाधित क्षेत्रातील ७० टक्के आणि अप्रत्यक्ष बाधित क्षेत्रातील ३० टक्के पात्र लाभार्थ्यांना याचा लाभ मिळेल.२० नोव्हेंबरपर्यंत अर्ज सादर करावे -पात्र शेतकऱ्यांनी या योजनेचा लाभ घेण्यासाठी विहित पद्धतीने आवश्यक कागदपत्रे जोडून दि.२० नोव्हेंबर २०२६ पर्यंत आपले अर्ज संबंधित तालुका कृषी अधिकारी कार्यालयात सादर करावेत, असे आवाहन नागपूरच्या जिल्हा अधीक्षक कृषी अधिकारी डॉ. अर्चना कडू यांनी केले आहे. लाभार्थी निवडीच्या महत्त्वाच्या अटी -लाभार्थी नागपूर जिल्ह्यातील खनिज बाधित क्षेत्रातील पात्र गावातील शेतकरी असणे आवश्यक आहे. आत्मा अंतर्गत शेतकरी गट, शेतकरी उत्पादक कंपनी (FPC/FPO), महिला शेतकरी गट, सेंद्रिय शेती गट, शेतकरी स्वयंसहाय्यता संघ तसेच वन विभागांतर्गत पात्र शेतकरी गटातील सहभागी शेतकऱ्यांना लाभ दिला जाईल. लाभार्थी निवड प्रथम येणाऱ्यास प्रथम प्राधान्य या तत्त्वावर उपलब्ध अनुदानाच्या मर्यादेत केली जाईल. एका शेतकऱ्यास निकषानुसार केवळ एकच यंत्र दिले जाईल आणि ते स्वतःच्या शेतीच्या संरक्षणासाठी वापरणे बंधनकारक राहील.)
