महत्वाच्या बातम्या

अवैधरित्या दारू वाहतूक करणाऱ्या तिघांना अटक : मुलचेरा पोलिसांची कार्यवाही

- एकूण 39 हजार रुपयांचा मुद्देमाल जप्त

विदर्भ न्यूज एक्सप्रेस

तालुका प्रतिनिधी / मुलचेरा : मुलचेरा पोलीस ठाणे कडे जाणारे एक टाटा इंडिका वाहन क्रमांक MH 40 BG 0191 यामधून अवैधरित्या दारू घेऊन जात असल्याची माहिती बातमीदाराकडून मिळाली असून सदर वाहनास थांबून वाहनाची तपासणी केली असता वाहनामध्ये 20 पेटी देशी दारू मिळून आल्याने इसम शैलेश हरीदास रापल्लीवार रा. गडचिरोली, अनिकेत अरविंद कोहोपरे रा. ब्रम्हपुरी, प्रसिक कैलास लांडे रा. गडचिरोली यांना ताब्यात घेऊन गुन्हा नोंद करण्यात आला आहे.

संशयित वाहनांची तपासणी केली असता त्यात 20 बॅाक्स प्रवरा देशी दारू विक्री किंमत- 14 हजार, व टाटा ईंडीका मोटर कार क्रमांक - MH 40 BG 0191 किंमत आंदाजे - 25 हजार असा एकूण 39 हजार रुपयांचा मुद्देमाल जप्त करण्यात आला आहे.

निखिल हिंगे रा- भंडारा (त्याचे ताब्यातील समोर असनारे चार चाकी वाहनासह पळून गेला) याचे मालकीचा माल सदर तिन्ही ईसम पोहचविण्यासाठी जात असल्याचे सांगण्यात आले आहे. सदर कार्यवाही मुलचेरा पोलीस करतील आहेत.