महत्वाच्या बातम्या

 गोदाम बांधकामाकरिता लक्षांक प्राप्त अर्ज करण्याचे


विदर्भ न्यूज एक्सप्रेस 
प्रतिनिधी / नागपूर : राष्ट्रीय अन्न सुरक्षा अभियान (अन्नधान्य) व राष्ट्रीय खाद्य तेल अभियान (गळीतधान्य) सन २०२३-२४ अंतर्गत नागपूर जिल्हयामध्ये २५० मे.टन प्रती गोदाम क्षमतेचे एकूण ६ गोदाम बांधकामाकरीता लक्षांक प्राप्त झाले आहे. गोदाम बांधकामाकरीता लाभ घेण्यासाठीशेतकरी उत्पादक संघ / कंपनी पात्र असून अर्ज करण्याचे आवाहन करण्यात आले आहे.

प्रकल्प किंमतीच्या ५० टक्के किंवा १२.५० लाख रुपये यापैकी जे कमी असेल ते अनुदान अनुज्ञेय आहे. ही बाब बँक कर्जाशी निगडीत असून बँकने कर्ज मंजूर केल्यानंतरच अर्जदार या बाबींच्या लाभास पात्र राहील. तसेच महाराष्ट्र राज्य वखार महामंडळाचे प्राधिकृत अधिकारी अथवा सार्वजनिक बांधकाम विभागाच्या मान्यता प्राप्त डिझाईन्स, स्पेसिफिकेशन व खर्चाच्या अंदाजपत्रकासह तालुका कृषी अधिकारी कार्यालयास प्रस्ताव सादर करावा.

जिल्हयाला मंजूर लक्षांकापेक्षा जास्त लाभार्थींचे अर्ज प्राप्त झाल्यास जिल्हास्तरावर लॉटरी पध्दतीने लाभार्थीची निवड करण्यात येईल. तरी योजनेचा लाभ घेण्यासाठी  ३१ ऑगस्ट २०२३ अखेरपर्यंत अर्ज तालुका कृषि अधिकारी कार्यालयाकडे सादर करण्यात यावे.अधिक माहितीकरिता मंडळ, तालुका किंवा  उपविभागीय कृषी अधिकारी कार्यालयास संपर्क साधावा, असे आवाहन जिल्हा अधीक्षक कृषी अधिकारी रविंद्र मनोहरे यांनी केले आहे.






  Print






News - Nagpur




Related Photos