महत्वाच्या बातम्या

सावली पोलिसांची दारू तस्कर विरुद्ध कार्यवाही : दारुसह ३ लाख ४५ हजार ८०० रुपयांचा मुद्देमाल जप्त

विदर्भ न्यूज एक्सप्रेस
तालुका प्रतिनिधी / सावली : २८ जुलै २०२३ रोजी चे ४:३० वा दरम्यान मुल कडून गडचिरोली येथे चार चाकी वाहनाने अवैध दारू वाहतूक होणार आहे. अशा माहितीवरून सापळा रचून नाकाबंदी केली असता संशयित वाहन maruti wagon R क्र. MH ३३ A ६३९९ थांबवून चेक केले असता त्यामध्ये रॉकेट संत्रा कंपनीचे देशी दारू एकूण २६ बॉक्स मिळून आले आहे. मिळून आलेले नमूद वाहन की. २ लाख ५० हजार, २६ देशी दारू बॉक्स ८५ हजार ८०० रु. व मोबाईल की १० हजार रु. असा एकूण ३ लाख ४५ हजार ८०० रु. चा मुद्देमाल जप्त करण्यात आला आहे. नितीन विजय सातरे वय ३४ वर्ष राहणार गोकुळनगर गडचिरोली असे आरोपीचे नाव असून त्याचेवर गुन्हा नोंद करण्याची कारवाई सुरू आहे.

सदरची कारवाई उपविभागीय पोलिस अधिकारी मल्लिकार्जुन इंगळे व ठाणेदार आशिष बोरकर यांचे मार्गदर्शनाखाली हेड कॉन्स्टेबल दिलीप मोहूर्ले, पोलिस नाईक विशाल दुर्योधन, धीरज पिदुरकर, अशोक मडावी, जगदिप वाघमारे, विजय कोटणाके, निलेश राऊत, कपिल भंडारवार, गणपत मत्तामी यांचे पथकाने केली.