सिंदेवाही येथे नवीन मतदार नोंदणी अधिकाऱ्यांचे प्रशिक्षण

विदर्भ न्यूज एक्सप्रेस
प्रतिनिधी / सिंदेवाही : १ जानेवारी २०२४ या अर्हता तारीखीवर आधारीत छायाचित्रासह मतदार यादीचा विशेष संक्षिप्त पुनरीक्षण कार्यक्रम भारत निवडणूक आयोगाने जाहीर केला आहे. सिंदेवाही तालुक्यातील सर्व १०६ मतदान केंद्रस्तरीय अधिकारी व १३ पर्यवेक्षक यांचे प्रशिक्षण नुकतेच घेण्यात आले.

२२ ऑगष्ट २०२३ ते २९ सप्टेंबर २०२३ पर्यत मतदान केंद्राचे सुसूत्रीकरण व प्रमाणीकरण करण्यात येणार आहे. सिंदेवाही तालुक्यातील सर्व नागरिकांनी मतदान केंद्रस्तरीय अधिकारी यांना नवीन मतदार नोंदणी करणे, मतदार ओळखपत्रोबत आधार जोडणी करणे, मय्यत मतदारांचे नाव कमी करणेकरीता सहकार्य करावे, असे आवाहन तहसीलदार योगेश शिंदे यांनी केले आहे.