महत्वाच्या बातम्या

अहेरी येथे भाजपा तर्फे सेवा पंधरवड्यात ५०० गरजूंना माजी पालकमंत्री राजे अम्ब्रिशराव आत्राम यांच्या हस्ते ताडपत्रीचे वितरण

विदर्भ न्यूज एक्सप्रेस
तालुका प्रतिनिधी / अहेरी : राज्याचे उपमुख्यमंत्री देवेंद्र फडणवीस यांच्या वाढदिवसानिमित्त भाजपा महाराष्ट्र प्रदेश तर्फे राज्यभरात विविध सामाजिक उपक्रमांचे आयोजन करण्यात आले आहे. उपमुख्यमंत्री देवेंद्र फडणवीस यांच्या वाढदिवसानिमित्त २२ जुलै पासून सेवा पंधरवड्याचे आयोजन भारतीय जनता पार्टी तर्फे करण्यात आले आहे, सेवा हाच संकल्प घेऊन देशभरात पक्ष कार्यरत आहे. सेवा पंधरवड्याचा माध्यमातून पक्षाचे कार्यकर्ते, लोकप्रतिनिधी, पदाधिकारी राज्यभर पूरग्रस्त नागरिकांना सहाय्य करतील, अशी माहिती भाजपा प्रदेशाध्यक्ष चंद्रशेखर बावनकुळे यांनी शुक्रवारी दिली होती. तसेच फडणवीस यांच्या वाढदिवसाच्या निमित्ताने वैद्यकीय सेवेसाठी पक्षातर्फे राज्यात ५० हजार रुग्णमित्र नियुक्त करण्याचा निर्णयही घेण्यात आला आहे. सेवा दिनी रक्तदान शिबीर, आरोग्य शिबीर, नेत्रदान शिबीर, कृत्रिम अवयवांचे वाटप, पूरग्रस्त कुटुंबांना अन्न वाटप व सर्वोतोपरी मदत असे कार्यक्रम आयोजित करण्यात येणार आहेत.

पूरग्रस्तस्थिती असेपर्यंत आरोग्यसेवेचा व अन्य उपक्रम चालू राहणार आहेत, असेही त्यांनी स्पष्ट केले. त्या अनुषंगाने अहेरी येथे काल माजी पालकमंत्री राजे अम्ब्रिशराव आत्राम यांच्या सौजन्याने अहेरी तालुका भाजपा तर्फे तालुक्यातील गरजूवंत व आर्थिकदृष्या दुर्बल लोकांना या पावसाळ्यात अनेक लोकांच्या छतातून पाणी गळत असते, पण त्याचे सोय करण्यास सक्षम नसणाऱ्या अश्या गरजवंत लोकांना राजे अम्ब्रिशराव आत्राम यांच्या हस्ते मोफत ताडपत्रीचे वितरण काल करण्यात आले. या कार्यक्रमात तालुक्यातील अहेरी, चींचगुंडी, कोत्तुर, पुसुकपल्ली, छल्लेवाडा, नागेपल्ली,आलापल्ली, नंदिगाव, संड्रा, व्यंकटरावपेठा, महागाव, कन्नेपल्ली, खमनचेरू आदी गावातील जवळपास ५०० ते ६०० लोकांना या कार्यक्रमाच्या माध्यमातून पावसाळ्यात अनेक घरांना संरक्षण मिळणार आहे.
या कार्यक्रमाकरीता भाजपा तालुका पदाधिकारी, कार्यकर्ते तसेच शेतकऱ्यांनी मोठ्या संख्येने उपस्थित राहून कार्यक्रम यशस्वीपने पार पडले.