महत्वाच्या बातम्या

 राष्ट्रीय शैक्षणिक धोरण सप्ताहा अंतर्गत कार्यशाळेचे आयोजन


विदर्भ न्यूज एक्सप्रेस 

प्रतिनिधी / गडचिरोली : २९ जुलै २०२३ या दिवशी भारतीय शिक्षणामध्ये आमूलाग्र बदल करणाऱ्या शैक्षणिक धोरणास तीन वर्ष पूर्ण होत असल्यामुळे २४-२९ जुलै या कालावधीत गोंडवाना विद्यापीठात राष्ट्रीय शैक्षणिक धोरण सप्ताह साजरा होत आहे. या अनुषंगाने गोंडवाना विद्यापीठाचे कुलगुरू डॉ. प्रशांत बोकारे यांच्या अध्यक्षतेखाली २८ जुलै रोजी दुपारी १:०० वाजता गोंडवाना विद्यापीठात कार्यशाळेचे आयोजन करण्यात आलेले आहे. 

सदर कार्यशाळेला विभागीय सहसंचालक उच्च शिक्षण, नागपूर  डॉ. संजय ठाकरे हे मार्गदर्शन करणार आहेत. तरी सदर कार्यशाळेचा लाभ विद्यार्थी, पालक, संस्थाचालक, प्राचार्य व अंतर्गत गुणवत्ता हमी कक्षाचे समन्वयक यांनी कार्यशाळेचा लाभ घ्यावा, असे आवाहन कुलसचिव डॉ. अनिल हिरेखन यांनी केले आहे.

विविध स्पर्धांचे आयोजन - गोंडवाना विद्यापीठाशी संलग्नित महाविद्यालयातील विद्यार्थी, प्राध्यापक यांच्याकरीता राष्ट्रीय शैक्षणिक धोरण २०२० या विषयावर पोस्टर स्पर्धा, प्रश्नमंजुषा, पीपीटी सादरीकरण या स्पर्धांचे आयोजन २८ जुलै रोजी विद्यार्थी विकास विभागाकडून करण्यात आले आहे.





  Print






News - Gadchiroli




Related Photos