भंडारा-गोंदिया लोकसभा निवडणूकीत ६८.२७ टक्के मतदान


- १२ लाख ३४ हजार ८९६ मतदारांनी बजावला हक्क 
- गोंदिया विधान सभा क्षेत्रात सर्वात कमी मतदान
- साकोली विधानसभा क्षेत्रात सर्वाधिक मतदान 
विदर्भ न्यूज एक्सप्रेस 
प्रतिनिधी / भंडारा
: भंडारा गोंदिया लोकसभा मतदार संघासाठी ११ एप्रिल रोजी झालेल्या मतदानाची अंतिम टक्केवारी ६८.२७ टक्के असून १८ लाख ८ हजार ७३४ मतदारांपैकी १२ लाख ३४ हजार ८९६ मतदारांनी आपल्या मतदानाचा हक्क बजावला. यात ६ लाख २६ हजार ७४९ पुरुष तर ६ लाख ८ हजार १४७ महिला मतदारांचा समावेश आहे.  सर्वांत कमी ६४.४१ टक्के मतदान गोंदिया विधानसभा क्षेत्रात झाले तर सर्वाधिक ७१.६५ टक्के मतदान साकोली विधानसभा क्षेत्रात झाले. 

विधानसभा मतदार संघनिहाय झालेले मतदान 

तुमसर-३५८ मतदान केंद्रावर २ लाख ९९ हजार ३४५ मतदारापैकी २ लाख १० हजार ३११ मतदारांनी मतदान केले. यात १ लाख ८ हजार ६१६ पुरुष व १ लाख १ हजार ६९५ महिला मतदार आहेत. मतदानाची टक्केवारी ७०.२६ ऐवढी आहे.
भंडारा-४५८ मतदान केंद्रावर ३ लाख ६७ हजार ७५८ मतदारापैकी २ लाख ४१ हजार ८४४ मतदारांनी मतदान केले. यात १ लाख २४ हजार ४९९ पुरुष व १ लाख १७ हजार ३४५ महिला मतदार आहेत. मतदानाची टक्केवारी ६५.७६ ऐवढी आहे.
साकोली-३९५ मतदान केंद्रावर ३ लाख १६ हजार ४०४ मतदारापैकी २ लाख २६ हजार ६९९ मतदारांनी मतदान केले. यात १ लाख १५ हजार ४२९ पुरुष व १ लाख ११ हजार २७० महिला मतदार आहेत. मतदानाची टक्केवारी ७१.६५ ऐवढी आहे.
अर्जूनी मोरगाव-३१७  मतदान केंद्रावर २ लाख ५२ हजार ७८८ मतदारापैकी १लाख ८० हजार ५२० मतदारांनी मतदान केले. यात ९०  हजार ९७६ पुरुष व ८९ हजार ५४४ महिला मतदार आहेत. मतदानाची टक्केवारी ७१.४१ ऐवढी आहे.
तिरोडा-२९५ मतदान केंद्रावर २ लाख ५४ हजार ७०१ मतदारापैकी १ लाख ७० हजार ८५९ मतदारांनी मतदान केले. यात ८४  हजार ९३१ पुरुष व ८५ हजार ९२८ महिला मतदार आहेत. मतदानाची टक्केवारी ६७.०८ ऐवढी आहे.
गोंदिया-३६१ मतदान केंद्रावर ३ लाख १७ हजार ७३८ मतदारापैकी २ लाख ४ हजार ६६३ मतदारांनी मतदान केले. यात १ लाख २ हजार २९८  पुरुष व १ लाख २ हजार ३६५  महिला मतदार आहेत. मतदानाची टक्केवारी ६४.४१  ऐवढी आहे. 
एकूण ६ विधानसभा मतदार संघातील २१८४ मतदान केंद्रावर १८ लाख ८ हजार ७३४ मतदारांपैकी १२ लाख ३४ हजार ८९६ मतदारांनी मतदानाचा हक्क बजावला. यात ६ लाख २६ हजार ७४९ पुरुष व ६ लाख ८ हजार १४७ महिला मतदारांचा समावेश आहे. मतदान करणाऱ्या पुरुष मतदारांची टक्केवारी ६९.२३ तर महिला मतदारांची टक्केवारी ६७.३१ टक्के आहे.



  Print






News - Bhandara | Posted : 2019-04-12






Related Photos