दिव्यांग चित्रपटाने वाढविले दिव्यांगांचे मनोबल


-  दिव्यांगांना समाजामध्ये आत्मसम्मान मिळवून देण्याचा उमेश सूर्यवंशीचा प्रयत्न
विदर्भ न्यूज एक्सप्रेस 
तालुका प्रतिनिधी / देसाईगंज :
  दिव्यांग व्यक्ती ही अक्षम नसून दिव्यांगत्वामुळे त्याच्या जीवनात आलेल्या आव्हानात्मक गोष्टीवर मात करत सामोरे जाणे व जनसामान्यांनप्रमाणे जीवन जगणे हे सामान्य व्यक्तीला सुद्धा अवघड असे आव्हान आहे. अश्या या विशेष व्यक्तींना म्हणजेच दिव्यांगांना समाजाने आपल्या सोबत समावेशीत करून समाजाच्या मुख्य प्रवाहात आणणे व संपूर्ण जगाला दाखवून देणे की दिव्यांग व्यक्ती ही सुद्धा सर्वसामान्य व्यक्ती आहे.
दिव्यांग हा शब्द कानावर पडल्याबरोबर आपल्या डोळ्यासमोर एक चित्र उभे राहते.त्यात एक हात तुटलेला किंवा दोन्ही पाय तुटलेली सदर व्यक्ती पागल असेल. व त्या व्यक्ती भिक मागत असतील या विचाराने आपल्या डोक्यात कधी-कधी त्यांच्याविषयी घृणा , द्वेष किंवा प्रेम निर्माण होते.याचे कारण आपला त्याच्या विश्वाशी कधीच संबंध आलेला नसतो. परंतु एकदाका आपण त्यांच्या विश्वात डोकावून पाहिले तर आपल्या डोळ्यासमोर आशेचा एक मोठा किरण दिसू लागतो. या बालकांच्या बाबतीत बोलायचे झाले तर प्रत्येक दिव्यांग बालकांमध्ये विशिष्ट प्रकारचे वेगळेच कला- कौशल्य लपलेलीच असतात. गरज असते ती फक्त शोधायच. दिव्यांग मुलाची जगात आज जशी अनेक उदाहरणे आहेत ज्यांनी संपूर्ण जगाला दाखवून दिले की दिव्यांग व्यक्ती ही सर्वसामान्य व्यक्ती एवढेच नव्हे तर किंबहुना त्यापेक्षा सर्वश्रेष्ठ कर्तृत्व करू शकते. याचे ज्वलंत उदाहरण म्हणजे महाण शास्त्रज्ञ 'स्टीफन हॉकिंग' , 'लुई ब्रेल' , 'हेलन केलर' , 'ब्लेड रनर' , 'गौरी गाडगीळ' या लोकांनी दिव्यांगाच्या क्षेत्राविषयी संपूर्ण जगाला विचार करायला भाग पाडले.
  दिव्यांगांना योग्य मार्गदर्शनाने आपण सक्षम बनवू शकतो. यासाठी आपण त्यांना कुठल्याही तऱ्हेने मदत अथवा सहकार्य करणे तेवढेच गरजेचे आहे. ती मदत छोटी अथवा मोठी असो परंतु दिव्यांगांसाठी परिपूर्ण असयला हवी. देसाईगंज येथील एका युवा कलाकाराच्या मनात अशीच आपुलकीची भावना तळमळत होती. व मागील कित्येक दिवसापासून अथक प्रयत्नाद्वारे त्यांनी दिव्यांगांचे मनोबल वाढविण्यासाठी दिव्यांगांच्या जीवनावर आधारित एक चित्रपट तयार केले व या चित्रपटात मुख्य भूमिकेमधे काम सुद्धा केले.
  उमेश याने  जिद्द व मेहनतीने आपल्या शिक्षणासोबत कलाकाराची रुची आपल्या मनात लहानपणापासूनच जोपासली होती. शिक्षणासोबत त्याने बऱ्याचदा शालेय व इतर एकांकिका नाटक अशा माध्यमांमध्ये काम सुद्धा केले आहे व इतकेच नव्हे तर उमेश हा किशोरवयातच लहान मोठ्या बक्षिसाचा मानकरी सुद्धा ठरला आहे.
  उमेश हा मूळचा देसाईगंज येथील रहिवासी असून शिक्षणासोबत त्याने आपल्या उदरनिर्वाहासाठी वडिलांसोबत व्यवसायात लक्ष घातले.पण त्याच्या कडे कलेचे कौशल्य आहे याची जाण त्याचा आईला वडिलांना होती व त्यासाठी सतत ते उमेशला पाठिंबा देत असायचे व अथक प्रयत्नानंतर उमेशला एका चित्रपटात काम मिळाले.
  हिराज प्रोड्युकॅशन गोंदिया ने उमेश ला दिव्यांग चित्रपटात मुख्य खलनायकाची भूमिका देण्याचे ठरविले.हा चित्रपट मतिमंद,अपंग बालकांच्या जीवनावर आधारित आहे. ग्रामीण भागातील एका गरीब कुटुंबातील दिव्यांग बालकाच्या जीवनावर आधारित हा चित्रपट समाज प्रबोधन करणारा आहे. शिक्षित समाज अपंगांविषयी गैरसमज आहे.त्यांच्याकडे पाहण्याचा दृष्टिकोन निकोप आहे.अपंगांचा तिरस्कार केला जातो.अपंग अथवा दिव्यांग व्यक्तींकडे बघण्याचा समाजाचा दृष्टिकोन बदलावा या हेतूने चित्रपटाची निर्मिती केली. उमेशने दिव्यांग चित्रपट व त्या मागील भूमिकेचे संपूर्ण श्रेय दिग्दर्शक दिलीप कोसरे व निर्माता दिनेश फरकुंडे यांना दिले आहे.आपल्या आयुष्याचा खडतर प्रवासातून दिव्यांगाबद्दल आपुलकी दाखवत पूर्ण केलेल्या या उपक्रमासाठी संपूर्ण स्तरावरून उमेश उर्फ गुड्डू सूर्यवंशी याचे कौतुक करण्यात येत आहे.



  Print






News - Gadchiroli | Posted : 2019-04-12






Related Photos