रोटरी क्लब बल्लारपूर चा १२ वा पदग्रहण सोहळा संपन्न
- नवीन अध्यक्ष राहुल वरू यांनी स्वीकारला पदभार
विदर्भ न्यूज एक्सप्रेस
प्रतिनिधी / बल्लारपूर : २०२३-२०२४ या वर्षातील रोटरी क्लब बल्लारपूर चा १२ वा पदग्रहण सोहळा रोटरी क्लबचे अध्यक्ष रोटेरियन राहुल वरू यांच्या अध्यक्षतेखाली स्क्वेअर पॉईंट हॉटेल बल्लारपूर येथे २३ जुलै २०२३ ला संपन्न झाला. याप्रसंगी व्यासपीठावर मुख्य अतिथी रोटेरियन महेश मोक्कलकर, माजी प्रांतपाल रोटरी, रोटेरियन रमा गर्ग उप प्रांतपाल, मावळते अध्यक्ष रोटेरियन प्रफुल चरपे, नवनियुक्त सचिव रोटेरियन निखिल गुजरकर, मावळते सचिव रोटेरियन महेश कायरकर उपस्थित होते.
यावेळी सर्वप्रथम पाहुण्यांचे हस्ते दीपप्रज्वलन करण्यात आले. तद्नंतर पुष्पगुच्छ व टोकन ऑफ लव देऊन अतिथींचे स्वागत करण्यात आले. मावळते अध्यक्ष रोटेरियन प्रफुल चरपे यांनी त्यांच्या कार्यकाळात केलेल्या कामाचा आढावा आपल्या मनोगतातून सादर केला. यानंतर नूतन अध्यक्ष राहुल वरू यांनी मावळते अध्यक्ष प्रफुल चरपे यांचेकडून तर नूतन सचिव निखिल गुजरकर यांनी मावळते सचिव महेश कायरकर यांच्याकडून पदभार स्वीकारला. तसेच रोटेरियन कल्पेश पटेल यांनी सेक्रेटरी प्रोजेक्ट चा पदभार स्वीकारला.
तद्नंतर रोटरी बल्लारपूर कडून अष्टभुजा स्त्री शक्ती सन्मान अंतर्गत विविध क्षेत्रातील अतुलनीय कामगिरी करणाऱ्या स्त्रीशक्तीचा गौरव अतिथींच्या हस्ते करण्यात आला. यात जयश्री पटेल सामाजिक कार्यकर्त्या, डॉ. कविता टांक होमिओपॅथी, डॉ. ज्योती गायकवाड मेडिकल ऑफिसर शहरी प्राथमिक आरोग्य केंद्र बल्लारपूर, डॉ.सपना जैन डेंटिस्ट बल्लारपूर, अनिता पंधरे मुख्याध्यापक बालाजी हायस्कूल बामणी, कु.नीता वर्मा वेटलिफ्टर गोल्ड मेडल स्टेट लेवल, श्रुती लोणारे प्राणीमित्र पिचलेस फाउंडेशन बल्लारपूर, वर्षा उरकुडे आशा वर्कर विसापूर यांचा समावेश होता.
याप्रसंगी मुख्य अतिथी रोटेरियन रमा गर्ग उपप्रांतपाल यांनी आपल्या मनोगतातून रोटरी क्लब बल्लारपूर द्वारा करीत असलेल्या कामाची प्रशंसा केली. आपले सहकार्य नेहमी रोटरी बल्लारपूर ला मिळत राहील असेही त्यांनी सांगितले. व्यासपीठावरील मुख्य विशेष अतिथी रोटेरियन महेश मोक्कलकर, माजी प्रांतपाल रोटरी ३०३० यांनी आपले मनोगतात रोटरीचा इतिहास, जगभरात रोटरी काय काम करते याबाबत सविस्तर माहिती सांगितली. रोटरी बल्लारपुर द्वारा सुरू केलेल्या ऑर्थो बँक व रोटरी वाचनालयाची प्रशंसा केली. २०२३-२०२४ या वर्षातील बोर्ड ऑफ डायरेक्टर ची निवड यावेळी करण्यात आली. आपल्या अध्यक्षीय भाषणात रोटेरियन राहुल वरू अध्यक्ष रोटरी बल्लारपूर यांनी विविध प्रोजेक्ट्स आपण आपल्या कार्यकाळात राबविणार असल्याचे मनोगतातून व्यक्त केले.
या पदग्रहण सोहळ्यासाठी रोटेरियन मनीष मूलचंदानी, राजू मुंधडा, प्रशांत दोंतुलवार, कल्पेश पटेल, उमेश पटेल, प्रशांत भोरे, रवी साळवे,अनुप गंगशेट्टीवार, वैभव मेनेवार, विक्रांत पंडित, उत्तम पटेल, रमेश पटेल तर रोट्रॅक्टर मोहित पटेल, गौरव पटेल, हेमराज गेडाम, रजत परमार,अमोल गांधी, यांची उपस्थिती होती. या सोहळ्याचे संचालन रोटेरियन निलेश चिमड्यालवार यांनी तर आभार प्रदर्शन रोटे. महेश कायरकर यांनी केले. राष्ट्रगीताने सोहळ्याची सांगता करण्यात आली.
News - Chandrapur