महत्वाच्या बातम्या

 शालेय जिल्हा, तालुका व मनपास्तरीय क्रीडा स्पर्धा : शारीरिक शिक्षकांच्या बैठकांचे आयोजन


विदर्भ न्यूज एक्सप्रेस 

प्रतिनिधी / नागपूर : राज्य शासनाच्या क्रीडा व युवक सेवा संचालनालयांतर्गत जिल्हा क्रीडा परिषद नागपूर अधिनस्त जिल्हा क्रीडा अधिकारी कार्यालयामार्फत सन २०२३-२४ या सत्रातील शालेय तालुका व जिल्हास्तरीय क्रीडा स्पर्धाचे आयोजन व नियोजन तसेच ऑनलाईन प्रक्रियेबाबत मार्गदर्शनाच्या अनुषंगाने नागपूर महानगरपालिका क्षेत्रातील तसेच उर्वरित जिल्हयातील सर्व शारीरिक शिक्षकांच्या बैठकांचे आयोजन करण्यात आले आहे.

नागपूर महानगरपालिका क्षेत्रातील शाळा तसेच महाविद्यालयांच्या बैठकीचे आयोजन १९ जुलै दुपारी ३.०० वाजता धनवटे नॅशनल महाविद्यालयात करण्यात आले आहे. कामठी व मौदा तालुक्याची संयुक्त बैठक कामठीतील पोरवाल महाविद्यालयात २१ जुलै दुपारी १२.०० वाजता होणार आहे. नागपूर ग्रामीण व हिंगणा तालुक्याची संयुक्त बैठक २५ जुलै रोजी सकाळी ११.३० वाजता जवाहरलाल नेहरू विद्यालय व कनिष्ठ महाविद्यालय वाडी येथे होईल. कळमेश्वर तालुक्याची बैठक २५ जुलै रोजी  दुपारी दोन वाजता नगर परिषद हायस्कूल कळमेश्वर येथे होईल. काटोल व नरखेड तालुक्याची संयुक्त बैठक २६ जुलै रोजी दुपारी १२.३० वाजता नबीरा महाविद्यालय काटोल येथे होईल. सावनेर २६ जुलै दुपारी ३.३० तालुका क्रीडा संकुल सावनेर, कुही २७ जुलै दुपारी १२.३० ऋखडाश्रम विद्यालय कुही , उमरेड व भिवापूर तालुक्याची संयुक्त बैठक २७ जुलै रोजी दुपारी ३.०० वाजता तालुका क्रीडा संकुल उमरेड, रामटेक तालुक्याची २८ जुलै रोजी दुपारी १२.३० वाजता ग्रामपंचायत नगरधन, रामटेक येथे तर पारशिवनी तालुक्याची बैठक २८ जुलै रोजी दुपारी ३ वाजता साईबाबा कनिष्ठ महाविद्यालय पारशिवनी येथे आयोजित करण्यात येणार आहे.

क्रीडा स्पर्धांमध्ये जास्तीत जास्त शाळा व महाविद्यालयांनी सहभागी होण्याचे आवाहन जिल्हा क्रीडा अधिकारी पल्लवी धात्रक यांनी केले आहे. 





  Print






News - Nagpur




Related Photos