जोगेंद्र कवाडे यांच्या मुलाचे स्मृती इराणी यांच्या चारित्र्यावर शिंतोडे, काँग्रेस उमेदवार नाना पटोले यांच्याकडून पाठराखण


विदर्भ न्यूज एक्सप्रेस 
प्रतिनिधी /  नागपूर :
  पुरातील बगडगंज भागात काँग्रेस उमेदवार नाना पटोले यांच्या  प्रचार सभेत भाजपा नेत्या स्मृती इराणी यांच्या बद्दल वादग्रस्त विधान करणारे  जयदीप कवाडे यांची  नागपूर लोकसभा मतदार संघाचे काँग्रेस पक्षाचे  उमेदवार नाना पटोले यांनी पाठ राखण करीत  कौतुक केल्याचा संतापजनक प्रकार उघडकीस आला आहे.    स्मृती इराणी यांच्याबद्दल आक्षेपार्ह विधान करणारे जयदीप कवाडे हे पिपल्स रिपब्लिकन पार्टीचे अध्यक्ष आणि विधान परिषद सदस्य जोगेंद्र कवाडे यांचे  पुत्र आहेत.
 नागपुरातील बगडगंज भागात काँग्रेस उमेदवार नाना पटोले यांच्या प्रचारार्थ   प्रचार सभा आयोजित केली होती.  यावेळी जयदीप कवाडे यांनी केलेल्या वादग्रस्त  भाषणाचा व्हिडीओ  सोशल मीडियावर आता व्हायरल झाला आहे. याच सभेला काँग्रेस प्रदेशाध्यक्ष अशोक चव्हाण यांनीही संबोधित केले होते.  यावेळी  संबोधित करताना जयदीप कवाडे म्हणाले की, 'स्मृती इराणी ही मस्तकावर खूप मोठे कुंकू लावते, आम्ही माहीत केल्यावर कळले की, जेवढे तिचे नवरे, तेवढेच मोठे मस्तकावरील कुंकू असते. स्मृती इराणी लोकसभेत गडकरींच्या मांडीला मांडी लावून बसते आणि संविधान संशोधन करण्याची भाषा करते, मात्र स्मृती इराणी ला माहीत नाही की, संविधान बदलणे हे नवरे बदलण्या एवढे सोपे काम नाही,' असेही वादग्रस्त विधान कवाडे यांनी यावेळी केले. कवाडे यांचे भाषण सुरू असताना या सभेत महिला कार्यकर्त्यासुद्धा उपस्थित होत्या.  कवाडे यांचे भाषण संपल्यानंतर नाना पटोले यांनी त्यांना बाजूला बसवून शाबासकी दिली.



  Print






News - Nagpur | Posted : 2019-04-02






Related Photos