वंचित बहुजन आघाडीचे माजी जिल्हाध्यक्ष भूषण फुसे यांचा बिआरएस मध्ये प्रवेश
- मुख्यमंत्री केसीआर यांच्या हस्ते पक्ष प्रवेश
विदर्भ न्यूज एक्सप्रेस
प्रतिनिधी / बल्लारपूर : स्थानिक स्वराज्य संस्था तसेच विधानसभा, लोकसभा निवडणुका तोंडावर असताना वंचित बहुजन आघाडीचे माजी जिल्हाध्यक्ष भूषण फुसे भारत राष्ट्र समिती पक्षात मुख्यमंत्र्यांचा हस्ते हैद्राबाद येथे प्रवेश केल्याने चंद्रपूर जिल्ह्यातील राजकीय क्षेत्रात खळबळ उडाली आहे.
वंचितांचे प्रश्न वेळोवेळी उचलून धरणारे ओबीसी युवा नेते वंचित बहुजन आघाडीचे जिल्हाध्यक्ष होते. फुसे यांनी शेतकऱ्यांचे, कामगारांचे, रस्त्याचे, असे अनेक प्रश्न उभे करून त्यांच्या हक्कासाठी आंदोलने केली. अनेक समस्यांना वाचा फोडण्याचे काम ही भूषण फुसे यांनी केले. मात्र पक्षाच्या आंतरिक भेदभावामुळे हा निर्णय घेतल्याचे समोर येत आहे.
राजुरा विधानसभा क्षेत्रासाठी वंचित बहुजन आघाडी कडून आमदारकीची निवडणूक लढण्याची तयारी असल्याची चर्चा परिसरात दिसत होती मात्र मध्येच बीआरस पार्टीत पक्ष प्रवेश केल्याने आता चर्चेला उधाण आले आहे.
नुकत्याच झालेल्या तेलंगणाच्या बाळासाहेबांच्या सभेला ते स्वतः उपस्थित होतो. राजुरा विधानसभा क्षेत्रासाठी माझी निवडही राष्ट्रीय अध्यक्षांकडून झाली. मात्र जिल्हा परिषद, पंचायत समिती निवडणुका पुढे असताना त्यांना कुठलीही कल्पना न देता वंचित बहुजन आघाडीच्या जिल्हाध्यक्ष पदी दुसऱ्याची निवड केल्याने संभ्रम निर्माण झाला असल्याचे यावेळी फुसे यांनी सांगितले.
News - Chandrapur