ऑनलाईन शाॅपिंग करताना सावधान, दुसऱ्याच्या नावे वस्तू दाखवून केली जातेय विक्री


- विश्वासार्हता सिध्द झाल्याशिवाय वस्तू खरेदी करू नका
विदर्भ न्यूज एक्सप्रेस
प्रतिनिधी / चंद्रपूर :
सेकंड हॅन्ड वस्तूंची शाॅपिंग करण्यासाठी अनेक ऑनलाईन साईट्स उपलब्ध आहेत. यावर इलेक्ट्रॉनिक वस्तूंसह जुन्या दुचाकी, चारचाकी वाहनांची सुध्दा विक्री केली जाते. बाजारभावापेक्षा या वेबसाईटवर नक्कीच कमी दरात वस्तू मिळतात. मोठ्या वस्तू कमी किमतीत खरेदी करण्याच्या मोहात अनेकदा ग्राहक बळी पडत आहेत. यामुळे ऑनलाईन शाॅपिंग करताना सावधानता बाळगावी, असे आवाहन पोलिस विभागातर्फे करण्यात आले आहे.
ऑनलाईन  फसवणूक करणारांनी आता नवीन शक्कल लढविली आहे. दुसऱ्यांच्या नावे नसलेली वस्तू स्वतःची दाखवून त्या विक्री करीता दाखविण्यात येतात. विशेष म्हणजे विश्वास संपादन करण्याकरीता ते खोट्या ओळखपत्रांचा वापर करतात. असे ऑनलाईन फसवणूक करणारे विशिष्ट ठिकाणी काम करीत असून तसे ओळखपत्र दाखवून ग्राहकांचा विश्वास संपादन करून मोठ्या प्रमाणात ग्राहकांची आर्थिक लुबाडणूक करतात. यामुळे नागरीकांनी वेळीच सावध होणे गरजेचे आहे.
जुन्या वस्तू किंवा वाहन विक्रीच्या अशा आमिषाला बळी पडू नये, वस्तू स्वतः पाहिल्याशिवाय किंवा विक्री करणाराची खात्री पटल्याशिवाय कोणताही आर्थिक व्यवहार करू नये, आपल्याला कोणत्या क्रमांकावरून फोन आला याची ट्रू काॅलर द्वारे खात्री करावी, इतर राज्यांतून येणाऱ्या फोन काॅल्स ला रिप्लाय देवू नये. विक्रेत्याने विश्वास संपादन करण्याकरीता पाठविलेल्या ओळखपत्राची शहनिशा करावी. जोपर्यंत विक्रेत्याची विश्वासार्हता सिध्द होत नाही तोपर्यंत कोणतेही ऑनलाईन व्यवहार करू नये, असे आवाहन करण्यात आले आहे.

 



  Print






News - Chandrapur | Posted : 2019-03-31






Related Photos