राहुल गांधी अमेठीसह केरळच्या वायनाड मतदारसंघातून लढणार


वृत्तसंस्था / नवीदिल्ली :   काँग्रेस  अध्यक्ष राहुल गांधी अमेठीसह केरळच्या वायनाड मतदारसंघातून लोकसभेची निवडणूक लढणार आहेत. काँग्रेसचे ज्येष्ठ नेते ए. के. अँटनी यांनी ही माहिती  दिली. त्यामुळे राहुल गांधी लोकसभेच्या दोन जागांवर उभे राहणार असल्याचं निश्चित झालं आहे. 
राहुल गांधी अमेठीसह केरळच्या वायनाडमधून निवडणूक लढणार असल्याच्या गेल्या काही दिवसांपासून चर्चा होत्या. केरळ काँग्रेसने राहुल यांना तसा प्रस्तावही दिला होता. मात्र, त्यावर राहुल यांनी काहीच भाष्य केलं नव्हतं. परंतु, आज काँग्रेस नेते ए. के. अँटनी यांनी राहुल गांधी अमेठीसह केरळमधूनही लढणार असल्याचं जाहीर केलं. तर अमेठीशी गांधी कुटुंबाचं कौटुंबिक नातं आहे. अमेठीला राहुल त्यांची कर्मभूमी मानतात. त्यामुळे अमेठीपासून ते दूर होणं अशक्य आहे. त्यामुळेच त्यांनी अमेठीसह केरळमधूनही लढण्याचा निर्णय घेतला आहे, असं काँग्रेस प्रवक्ते रणदीप सुरजेवाला यांनी पत्रकार परिषद घेऊन स्पष्ट केलं. 
राहुल यांनी आपल्याच राज्यातून निवडणूक लढवावी, अशी दक्षिण भारतातील तिन्ही प्रदेशातून मागणी करण्यात आली होती. मात्र आम्ही त्यातून केरळच्या वायनाडची निवड केली. कारण हा लोकसभा मतदारसंघ तिन्ही प्रांताना जोडलेला आहे, असंही सुरजेवाला यांनी स्पष्ट केलं. 



  Print






News - World | Posted : 2019-03-31






Related Photos