महत्वाच्या बातम्या

मतदार यादी तपासणीसाठी केंद्रस्तरीय अधिकारी देणार घरोघरी भेट

विदर्भ न्यूज एक्सप्रेस

तालुका प्रतिनिधी / वरोरा : १ जानेवारी २०२४ या अहर्ता दिनांकावर आधारीत छायाचित्रासह मतदार यादीचा विशेष संक्षिप्त पुनरीक्षण कार्यक्रम भारत निवडणुक आयोगाचे २९ में २०२३ पत्रानुसार जाहीर करण्यात आलेला आहे. त्या अनुषंगाने १० जुलै २०२३ रोजी वरोरा उपविभागील सर्व मतदान केंद्रस्तरीय अधिकारी (BLO) यांचे प्रशिक्षण घेण्यात आलेले आहे. मतदान केंद्रस्तरीय अधिकारी यांचेव्दारे २१ जुलै २०२३ ते २१ ऑगष्ट २०२३ दरम्यान

घरोघरी भेट देवुन नविन मतदार, मृत्यु झालेले मतदार मतदार यादीतील नोंद दुरुस्ती तसेच मतदार यादीतील / मतदार ओळखपत्रातील त्रुटी दूर करणे करणेकरीता त्रुटी तपासून नमुना ६,७ व ८ भरुन घेतील.

२२ ऑगष्ट २०२३ ते २९ सप्टेंबर २०२३ पर्यंत मतदान केंद्राचे सुसूत्रीकरण व प्रमाणीकरण करणार आहेत. तसेच १७ ऑक्टोंबर २०२३ पर्यंत मतदान केंद्र स्तरीय अधिकारी प्रत्येक मतदान केंद्रावर दावे व हरकती स्विकारणार आहेत.

याबाबत मतदार नोंदणी अधिकारी तथा उपविभागीय अधिकारी वरोरा तसेच सहाय्यक मतदार नोंदणी अधिकारी तथा तहसिलदार, वरोरा यांनी सर्व मतदारांना आव्हान करन केंद्रस्तरीय अधिकारी यांना नविन मतदार नाव नोंदणी करणे, मय्यत मतदाराचे नाव कमी करणेकरीता सहकार्य करण्यास विनंती केलेली आहे.