महत्वाच्या बातम्या

भंडारा येथे जागतीक प्राणीजन्य आजार सप्ताह साजरा

विदर्भ न्यूज एक्सप्रेस
प्रतिनिधी / भंडारा : आरोग्य विभागामार्फंत ६ ते १३ जुलै २०२३ या दरम्यान जागतीक प्राणीजन्य आजार सप्ताह साजरा करण्यात आला, याअंतर्गत जिल्हा व प्राथमिक आरोग्य केंद्रस्तरावर विविध उपक्रम राबविण्यात आले.
६ जुलै हा जागतीक प्राणीजन्य आजार दिन म्हणून साजरा करण्यात येतो. यावर्षीचे घोषवाक्य One world, One Health: Prevent zoonoses! Stop the Spered control zoonotic diseases! Protect animals prevent zoonoses! Safe animals Healthy people Celebrating World zoonoses Day! असुन आरोग्य विभाग व पशुसंवर्धन विभाग यांचे समन्वय साधण्याकरीता १३ जुलै २०२३ रोजी जिल्हास्तरीय कार्यक्रमाचे आयोजन करण्यात आले होते. सदर कार्यक्रमास डॉ.मनिषा साकोडे, जिल्हा माताबाल संगोपण अधिकारी, डॉ.सचिन चव्हाण, अतिरिक्त जिल्हा आरोग्य अधिकारी, डॉ.श्रीकांत आंबेकर, जिल्हा साथरोग अधिकारी तसेच पशुसंवर्धन विभागातील डॉ.निनाद कोरडे, जिल्हा पशुसंवर्धन अधिकारी, डॉ.लिना पाटील, जिल्हा पशुधन विकास अधिकारी, जिल्हा परिषद भंडारा तसेच जिल्हयातील वैद्यकिय अधिक्षक, तालुका आरोग्य अधिकारी, वैद्यकिय अधिकारी उपस्थित होते.

सदर कार्यक्रमात डॉ.निनाद कोरडे, जिल्हा पशुसंवर्धन अधिकारी यांनी प्राणीजन्य आजार, त्याची सुरवात व प्राणीजन्य आजार प्रतिबंधात्मक लसींची उत्पत्ती कशी झाली याबाबत तर डॉ.सचिन चव्हाण अति.जिल्हा आरोग्य अधिकारी यांनी जिल्हयात आरोग्य विभाग व पशुसंवर्धन विभाग यांचे एकत्रित समन्वयाने राबविण्यात येणाऱ्या उपक्रमाची माहिती देऊन मार्गदर्शन केले.
तालुकास्तरावर आरोग्य विभाग व पशुसंवर्धन विभाग यांचे समन्वयाने जागतीक प्राणीजन्य आजार सप्ताह कार्यक्रम साजरे करुन त्याबाबत जनमानसात जनजागृती करण्यात यावी. सदर जागतीक प्राणीजन्य आजार सप्ताह कार्यक्रमाचे प्रास्ताविक व आभार डॉ.श्रीकांत आंबेकर, साथरोग वैद्यकिय अधिकारी यांनी मानले.