महत्वाच्या बातम्या

बेडगाव वनपरीक्षेत्रातील दोन्ही कर्मचारी निलंबित : दारूची पार्टी करणे पडले महाग

- बेडगाव वनपरीक्षेत्रातील कर्मचारी यांनी शासकीय नर्सरीत कार्यालयीन वेळेत केली होती दारूची पार्टी

विदर्भ न्यूज एक्सप्रेस

तालुका प्रतिनिधी / कोरची : तालुका अंतर्गत येत असलेल्या बेडगाव वनपरिक्षेत्र कार्यालयात कार्यरत असलेले वनरक्षक वाघाडे व राऊंड ऑफिसर गहाणे यांनी वन विभागाच्या मोहगाव येथील नर्सरीत कार्यालयीन वेळेत दारूची पार्टी केली होती. दोघेही कर्मचारी इतक्या दारूच्या नशेत होते की त्यांना काहीही भान सुद्धा नव्हते. मोहगाव येथील नर्सरीत नेहमी दारूची पार्टी केली जात असल्याची माहिती प्राप्त झाल्यानंतर सदर बातमी प्रकाशित करण्यात आली होती.

कर्तव्यावर कसूर करून दारूच्या नशेत राहणाऱ्या कर्मचाऱ्यांवर कठोर कार्यवाही करण्यात यावी, अशी मागणी वरिष्ठांना करण्यात आली होती. बातमीची दखल घेत दोन्ही कर्मचाऱ्यांना निलंबित केले असल्यामुळे सर्वत्र खळबळ माजली असल्याचे दिसून येत आहे.