तेलंगणातील निजामाबाद लोकसभा मतदारसंघात होणार मतपत्रिकेद्वारे मतदान


वृत्तसंस्था /  नवी दिल्ली :   तेलंगणातील निजामाबाद लोकसभा मतदारसंघात ईव्हीएम किंवा व्हीव्हीपॅटद्वारे मतदान होणार नाही, तर बॅलेट पेपर अर्थात मतपत्रिकेद्वारे मतदान होणार आहे.  
निजामाबाद लोकसभा मतदारसंघात एकूण १८५ उमेदवार निवडणुकीच्या रिंगणात उतरले आहेत. त्यामुळेच निवडणूक आयोगाने या ठिकाणी मतपत्रिकेद्वारे मतदान घेण्याचा निर्णय घेतला आहे. या मतदारसंघात ईव्हीएम किंवा व्हीव्हीपॅटद्वारे मतदान घेतल्यास प्रत्येक बुथवर तीन-तीन मशीन्स ठेवाव्या लागतील. त्यामुळे अडचणी निर्माण होतील म्हणूनच निवडणूक आयोगाने या मतदारसंघात मतपत्रिकेद्वारे मतदान घेण्याचा निर्णय घेतला आहे. 
मतपत्रिकेच्या एकाच कागदावर सर्व उमेदवारांची नावं आणि निवडणूक चिन्ह छापणं सोपं आहे. मात्र ईव्हीएम मशीनमध्ये हे शक्य नाही. त्यासाठी तीन-तीन ईव्हीएम मशीन ठेवाव्या लागतील. त्यामुळे पसंतीच्या उमेदवाराला मतदान करताना मतदारांचा गोंधळ उडू शकतो, असं आयोगाचं म्हणणं आहे. दरम्यान, संबंधित मतदारसंघात मतपत्रिकेद्वारे मतदान करण्यासाठीच्या तयारी करण्याच्या सूचनाही आयोगाने राज्य निवडणूक आयोगाला दिल्या आहेत. निजामाबाद लोकसभा मतदारसंघात येत्या ११ एप्रिल रोजी मतदान होणार आहे. 



  Print






News - World | Posted : 2019-03-29






Related Photos