अवैध दारु वाहतुकीवर कारवाई : वाहनासह ६ लाखाचा माल जप्त
- राज्य उत्पादन शुल्क विभागाची कारवाई
विदर्भ न्यूज एक्सप्रेस
प्रतिनिधी / वर्धा : सावंगी ते सालोड व गुंजखेडा ते पुलगाव मार्गावर चारचाकी वाहनामध्ये अवैधपणे विदेशी व गावठी दारुच्या होत असलेल्या वाहतुकीवर कारवाई करण्यात आली. या कारवाईत ६ लाख २३ हजार ३७० रुपयाच्या वाहनासह दारु जप्त करण्यात आली. सदर कारवाई राज्य उत्पादन शुल्क विभागाच्या अधिक्षक स्वाती काकडे यांच्या मार्गदर्शनात राज्य उत्पादन शुल्क विभागाचे निरिक्षक मोहन पाटील यांच्या नेत्वृत्वात भरारी पथकाने केली.
राज्य उत्पादन शुल्क विभागाच्या भरारी पथकांनी सावंगी ते सालोड मार्गावर सुजुकी कंपनीचे रिट्ज वाहन क्रमांक एमएच-३२- सी-६४६३ या चारचाकी वाहनामध्ये अवैधपणे विदेशी दारुची वाहतुक करतांना एका आरोपीस अटक करुन ३ लाख ७७० रुपयाचा तर गुंजखेड ते पुलगाव मार्गावर शेवरलेट कंपनीचे तवेरा वाहन क्रमांक एमएच-२८ -एन-३८६४ या चारचाकी वाहनामध्ये अवैधपणे गावठी दारुची वाहतुक करतांना दोन आरोपीस अटक करुन ३ लाख २२ हजार ६०० रुपयाचा मुद्देमाल जप्त करण्यात आला. आरोपीवर गुन्हा नोंदविला सदर कारवाई राज्य उत्पादन शुल्क विभागाच्या भरारी पथकातील दुय्यम निरिक्षक सुरेंद्र बुटले, जवान मिलींद लांबाडे, अमित नागमोते व वाहन चालक योगेश गांवडे यांनी महाराष्ट्र दारुबंदी कायदाचे कलम ६५(अ)(ई),८१,८३ नुसार कारवाई केली असे, राज्य उत्पादशन शुल्क विभागाने कळविले आहे.
News - Wardha