महत्वाच्या बातम्या

 बळजबरीने घरात घुसायच्या आणि बायबल वाचायला लावायच्या : पिंपरी-चिंचवडमधील प्रकार


विदर्भ न्यूज एक्सप्रेस 

वृत्तसंस्था / पुणे : पिंपरी चिंचवडच्या रहाटणीमध्ये धर्म प्रसाराचा प्रकार समोर आला आहे. ख्रिश्चन समाजाच्या तीन महिलांवर धर्म परिवर्तन करत असल्याचा आरोप आहे. याप्रकरणी वाकड पोलीस स्टेशनमध्ये हा गुन्हा दाखल झाला. तर आम्हाला मारहाण करण्यात आली अशी परस्परविरोधी तक्रार या महिलांनी ही केली आहे.

रहाटणी परिसरातील एका कुटुंबाच्या घरी या महिला जायच्या आणि त्यांना बायबल वाचून दाखवायच्या. बायबलचा अर्थ समाजवताना त्या आमचे मनपरिवर्तन करत होत्या. येशू ख्रिस्तावर विश्वास ठेवा, बायबल वर विश्वास ठेवा, असे म्हणत त्या धर्म परिवर्तन करण्याचा ही प्रयत्न करत असल्याचा आरोप त्या कुटुंबाने या तिन्ही महिलांवर केला आहे. काल हा प्रकार समोर आल्यावर वाकड पोलिसांत त्यांच्यावर गुन्हा दाखल करण्यात आला आहे. रूट कामटे, पूजा कलाल, चांदणी राठोड अशी त्यांची नावे आहेत. या तिघी मोलमजुरी करतात आणि रिकाम्या वेळेत बायबल वाचून प्रबोधन करत असल्याचे प्राथमिक तपासात आढळून आले आहे. या तिन्ही महिलांनी ही त्यांना मारहाण केल्याची तक्रार केलेली आहे.

बळजबरीने घरात घुसायच्या आणि बायबल वाचायला लावायच्या - 

तक्रारीत म्हटल्याप्रमाणे हा सगळा प्रकार तीन महिला करत होत्या. त्या काही दिवसांपूर्वी रहाटणी परिसरातील एका कुटुंबाच्या घरी गेल्या आणि त्यांना बायबल वाचायला सांगितले. त्यावेळी घरात असलेल्या महिलांनी त्यांना नकार दिला आणि घरातून बाहेर जाण्यास सांगितले होते. त्यानंतर पुन्हा या महिला घरात शिरल्या आणि त्या घरातील मुलांनादेखील वाचायला सांगितले. त्यावेळी देखील त्यांनी बायबल वाचायला विरोध केला असता त्यांनी पुन्हा एकदा येशूचे महत्त्व पटवून देण्याचा प्रयत्न करत होत्या.

येशू ख्रिस्तावर विश्वास ठेवा, बायबलवर विश्वास ठेवा -

हा सगळा प्रकार वाढत असल्याचे पाहून अखेर कुटुंबियांनी पोलिसांकडे धाव घेतली आणि हा सगळा प्रकार पोलिसांनी सांगितला. धर्मपरिवर्तन करण्याचा प्रयत्न केल्याचे सांगितले. येशू ख्रिस्तावर विश्वास ठेवा, बायबलवर विश्वास ठेवा, असे म्हणत धर्मांतर करायला लावण्याचे प्रकार आतापर्यंत अनेकदा समोर आले आहेत. काही दिवसांपूर्वी आळंदीतून असाच प्रकार समोर आला होता. येशूचे रक्त म्हणून दाक्षाचा रस काही नागरिकांना पाजण्यात आला होता. त्यावेळी कुटुंबियांनी या प्रकाराला विरोध केल्यावर त्यांना येशू माफ करणार नसल्याची धमकीदेखील देण्यात आली होती.





  Print






News - Rajy




Related Photos