महत्वाच्या बातम्या

आजच्या काळात दिवसेंदिवस सोशल मीडियाची गरज, मीडियाद्वारे घरबसल्या बातम्यांच्या घडामोडींचा नेटवर्क : खा. अशोक नेते

- भारतीय जनता पार्टी गडचिरोली चिमुर लोकसभा क्षेत्रातील सोशल मिडीयाची इनफलुएंसर समिट बैठक पत्रकार भवन येथे संपन्न

विदर्भ न्यूज एक्सप्रेस

प्रतिनिधी / गडचिरोली : मोदी @ ९ महा-जनसंपर्क अभियान अंतर्गत गडचिरोली-चिमुर लोकसभा क्षेत्रातील सोशल मिडीया इनफलुएंसर समिट बैठक पत्रकार भवन गडचिरोली येथे आयोजित करण्यात आली.

या बैठकीमध्ये पंतप्रधान नरेंद्र मोदी यांच्या ९ वर्षाच्या कार्यकाळातील कामे जनतेपर्यंत पोहचविण्याकरीत सोशल मीडिया प्रमुखांची आवश्यकता असते. यासाठी सोशल मीडियाची बैठक आयोजीत करण्यात आली.

या बैठकीचे उद्घाटक म्हणून खा. अशोक नेते यांनी मीडिया प्रमुखांना मार्गदर्शन करतांना सोशल मीडिया एक विशाल नेटवर्क आहे. या नेटवर्कला ऍक्टिव्ह करण्यासाठी व्हाट्सअप, फेसबुक, इंस्टाग्राम, ट्विटर आणि बरेच काही सोशल मीडिया ऍक्टिव्ह केली जाते.

आजच्या काळात सोशल मीडिया हि कमी वेळात कामाच्या व्यत्यामुळे घरबसल्या सर्व घडामोडींच्या बातम्या या सोशल मीडियाद्वारेे ऑनलाइनच्या माध्यमातून लोकांपर्यंत पोहोचवण्याचे सोशल मिडीया हे एक साधन म्हणून काम करते. होणारे कार्यक्रम व झालेले कार्यक्रम हे मीडियाच्या माध्यमातून लोकांपर्यंत प्रकाशित झाली पाहिजे.

व्हाट्सअपद्वारे जर कोणी व्यक्ती आपल्या शासनाच्या विरोधामध्ये कॉमेंट जर केला तर त्या कमेंटसला उत्तर देण्याचे काम सोशल मीडियाने केले पाहिजे. केंद्र व राज्य शासनाच्या प्रत्येक योजना हे लोकांपर्यंत पोहोचवण्याचे काम सोशल मीडियाद्वारे केला पाहिजे‌.

आज या देशामध्ये ज्या घडामोडी चालू आहेत त्या घडामोडीचा मीडियाच्या माध्यमातून प्रसार केला पाहिजे. आर्थिक अर्थव्यवस्थेमध्ये आपला भारत देश हा अकराव्या स्थानी होता. आता पाचव्या स्थानी प्रगतीपथावर आहे. माननीय देशाचे पंतप्रधान नरेंद्र मोदी जी यांनी या देशाला सुजलाम् सुफलाम् करण्यासाठी त्यांचा प्रयत्न आहे. मागील नववर्षांमध्येे त्यांनी अनेक योजना अंमलात आणुन तळापर्यंतच्या लोकांपर्यंत पोहोचवित, लोकाभिमुख कार्य केले, असे प्रतिपादन खा. अशोक नेते यांनी आज सोशल मीडियाच्या बैठकीत उद्घाटक स्थानावरून बोलत होते.

यावेळी मंचावर प्रामुख्याने खासदार तथा राष्ट्रीय महामंत्री भाजपा अनु. जनजाती मोर्चा चे अशोकजी नेते, आ. डॉ. देवराव होळी, भाजपचे ज्येष्ठ नेते बाबुराव कोहळे, भाजपा प्रदेश संयोजक सोशल मीडियाचे प्रकाशजी गाडे, सहसंयोजक लक्की चावला, प्रदेश सदस्या तथा चंद्रपुर महिला मोर्चा च्या जिल्हाध्यक्षा अल्काताई आत्राम, प्रदेश चिटणीस रेखा डोळस, माजी जि.प. सदस्या तथा तालुकाध्यक्षा धानोरा लता पुन्घाटी, सोशल मिडिया प्रमुख तथा कार्यक्रमाचे आयोजक आनंद खजांजी, खा. महोदयांचे सोशल मिडिया प्रमुख दिवाकर गेडाम, मिडिया प्रमुख रमेश अधिकारी तसेच मोठ्या संख्येने लोकसभा क्षेत्रातील मिडिया युवक युवतीया वर्ग उपस्थित होते.