महत्वाच्या बातम्या

इंदिरानगर येथील निर्मल विद्या मंदिर शाळेतील चिमुकल्या विद्यार्थ्यांना शालेय साहित्य व खाऊचे वाटप व वृक्षारोपण कार्यक्रम

- माजी नगराध्यक्ष योगीता पिपरे यांच्या वाढदिवसा निमित्य उपक्रम

विदर्भ न्यूज एक्सप्रेस
प्रतिनिधी / गडचिरोली : भारतीय जनता पार्टी महिला मोर्चाच्या जिल्हा प्रभारी तथा गडचिरोली शहराच्या माजी नगराध्यक्ष सौ. योगीता प्रमोद पिपरे यांच्या वाढदिवसानिमित्त आज ८ जुलै २०२३ गडचिरोली शहरातील इंदिरानगर येथील निर्मल विद्या मंदिर शाळेत विद्यार्थ्यांना शालेय साहित्य व खाऊचे वाटप व वृक्षारोपण कार्यक्रमाचे आयोजन करण्यात आले. याप्रसंगी सर्वप्रथम माजी नगराध्यक्ष योगीता पिपरे यांचा वाढदिवस केक कापुन मोठ्या उत्साहात साजरा करण्यात आला. त्यानंतर चिमुकल्या विद्यार्थ्यांना शालेय साहित्याचे व खाऊचे वाटप योगीता पिपरे व भाजपचे जिल्हा महामंत्री प्रमोद पिपरे यांच्या हस्ते करण्यात आले.

याप्रसंगी महिला आघाडी च्या जिल्हा सचिव प्रतिभा चौधरी, शहर अध्यक्ष कविता उरकुडे, माजी नगरसेविका लता लाटकर, नीता उंदिरवाडे, भाजपचे शहर महामंत्री विनोद देवोजवार, केशव निंबोड, दलित आघाडी चे शहर अध्यक्ष प्रा. उराडे सर, शहर उपाध्यक्ष विवेक बैस, भाजयुमो चे राजु शेरखी, नरेश हजारे, देवाजी लाटकर, महिला आघाडी शहर उपाध्यक्ष कोमल बारसागडे, नीता बैस, अर्चना चन्नावार, शाळेच्या मुख्याध्यापिका सुषमा वासेकर, शिक्षिका सोनाली सुरणकर, शिक्षिका करीना तटलावार उपस्थित होत्या. याप्रसंगी शाळा परिसरात योगीता पिपरे, प्रमोद पिपरे व प्रमुख पदाधिकाऱ्यांचा हस्ते वृक्षारोपण करून कार्यक्रमाचा समारोप करण्यात आला.