दिल्ली, मुंबई आणि गोव्यात दहशतवादी हल्ले घडवण्याचा कट


वृत्तसंस्था / नवीदिल्ली :  दिल्ली, मुंबई आणि गोव्यात दहशतवादी हल्ले घडवण्याचा आयएस आणि अल् कायदा या दहशतवादी संघटनांची योजना असल्याची माहिती गुप्तचर यंत्रणांच्या हाती आली असल्याची माहिती सूत्रांनी दिली आहे. न्यूझीलंडमधील दहशतवादी हल्ल्याचा बदला घेण्याच्या उद्देशाने हा हल्ला घडवण्यात येणार असल्याची माहिती पुढे येत आहे. 
संभाव्य हल्ल्यांबाबत मिळालेल्या माहितीनुसार, या हल्ल्यांसाठी दहशतवादी एखाद्या वाहनाचा किंवा चाकूचा वापर करण्याची शक्यता आहे. ही माहिती मिळाल्यानंतर इस्रायली दूतावास, मुंबईतील दूतावास तसेच सिनगॉग्स आणि छाबड हाऊस अशा ठिकाणी बंदोबस्तात वाढ करण्याच्या सूचना गुप्तचर यंत्रणांनी पोलिसांना दिल्या आहेत.  २० मार्च या दिवसी यांपैकी पहिली माहिती गुप्तचर यंत्रणांच्या हाती लागली. यात न्यूझीलंडमधील दहशतवादी हल्ल्याचा बदला घेण्याचा उल्लेख करण्यात आला आहे. 

 



  Print






News - World | Posted : 2019-03-25






Related Photos