महत्वाच्या बातम्या

अवैध रेतीची चोरटी वाहतुक करणाऱ्या आरोपीविरूद्ध गुन्हा नोंद : पोलीस स्टेशन कुहीची कारवाई

- वाहनासह एकूण २० लाख २१ हजार रूपयाचा मुद्देमाल जप्त

विदर्भ न्यूज एक्सप्रेस

प्रतिनिधी / नागपूर : ०५ जुलै २०२३ रोजीचे ००.३० वा. ते ७०.४५ वा. दरम्यान पोलीस स्टेशन कुही हद्दीत पेट्रोलिंग करीत असतांना गुप्त बातमीदारांकडून माहिती मिळाली की, मौजा खापरी फाटा नागपूर उमरेड रोड वरून रेतीची चोरटी वाहतुक टिप्पर वाहनाने होत आहे.

अशा मिळालेल्या माहितीवरून मौजा खापरी फाटा नागपुर उमरेड रोड वर नाकाबंदी करून यातील टिप्पर क्र. एम. एच. ४० बि.जी. ३९०९ चे चालकाने विनापरवाना अवैधरीत्या आपल्या ताब्यातील टिप्परमध्ये रेती भरून रेतीची चोरटी वाहतुक करतांना मिळुन आल्याने टिप्पर क्र. एम. एच. ४० बि.जी. ३९०९ एकूण किंमती अंदाजे २० लाख रू मध्ये एकुण ०७ ब्रास रेती किमती अंदाजे २१ हजार रूपयाचा मुद्देमाल असा एकूण २० लाख २१ हजार रूपयाचा मुद्देमाल मिळुन आल्याने पोलीस स्टेशन कुही येथे टिपर चालक मालक आरोपी स्वप्नील देविदास मोहीनकर (२४) रा. उमरेड ता. उमरेड जि. नागपूर यांच्या विरुद्ध कलम ३७९ भादनि, अन्वये गुन्हा नोंद करण्यात आलेला असुन पुढील कायदेशीर कारवाई सुरू आहे.

सदरची कारवाई विशाल आनंद पोलीस अधिक्षक नागपूर ग्रामीण, डॉ. संदिप पखाले अपर पोलीस अधिक्षक नागपूर ग्रामीण यांच्या मार्गदर्शनात परि सहायक पोलीस अधीक्षक तथा ठाणेदार पोलीस स्टेशन कुही अनिल म्हस्के, सहायक पोलीस निरीक्षक नितेश डोलीकर, सहायक फौजदार प्रमोद बन्सोड, क्रिष्णा घुटके, पोलीस शिपाई विकेश राउत, रविंद्र मारबते यांनी केली आहे.