भारतीय विमानांनी दहशवाद्यांचा खात्मा करु नये म्हणून पाकिस्तान सरकारने ताब्यात घेतले : बिलावल भुट्टो जरदारी


वृत्तसंस्था / नवीदिल्ली :  भारतीय विमानांनी दहशवाद्यांवर बॉम्ब हल्ला करुन त्यांच्या खात्मा करु नये म्हणून सरकारने त्यांना संरक्षण देण्याच्या उद्देशाने दहशतवाद्यांना  ताब्यात घेतले असल्याचे मत  पाकिस्तानमधील प्रमुख विरोधी पक्ष असणाऱ्या पीपल्स पार्टीचे (पीपीपी) अध्यक्ष आणि पाकिस्तानी संसदेचे सदस्य बिलावल भुट्टो जरदारी यांनी यांनी नोंदवले आहे.
 दहशतवादाच्या मुद्यावरुन बिलावल यांनी पंतप्रधान इम्रान खान यांच्या सरकारवर टिका केली आहे.  दहशतवादी गटांविरोधात कारवाई करण्यासंदर्भात पाकिस्तान सरकारचा उद्देश संशयास्पद असल्याचे बिलावल यांनी म्हटले आहे. ‘इम्रान खान यांच्या सरकारने दहशतवाद्यांना अटक केलेली नाही. उलट भारतीय विमानांनी बॉम्ब हल्ला करुन त्यांचा खात्मा करु नये म्हणून संरक्षणार्थ त्यांना सरकारने ताब्यात घेतले आहे,’ अशा शब्दांमध्ये बिलावल यांनी इम्रान सरकारला लक्ष्य केलं आहे. एका वृत्तवाहिनीशी बोलताना बिलावल यांनी हे मत नोंदवले. राष्ट्रीय उत्तरदायित्व खात्याने (एनएबी) दोन तास बिलावल आणि त्यांचे वडील आणि माजी पंतप्रधान असिफ अली जरदारींची चौकशी करण्यात आली. भ्रष्टाचाराचे आरोप या पिता-पुत्रांवर लावण्यात आल्यानंतर ही चौकशी एनएबीने केली. त्याआधी दिलेल्या एका मुलाखतीमध्ये बिलावल यांनी इम्रान सरकारवर निशाणा साधला.
दहशतवादी संघटनांना वाचवण्याबरोबरच इम्रान खान याच दहशतवादी संघटनांचा वापर करुन घेत असल्याचा आरोपही बिलावल यांनी केला आहे. याआधीही बिलावल यांनी इम्रान सरकारवर निशाणा साधत पाकिस्तानमध्ये दहशतवादी संघटनांवर सरकारचा वचक नसून ते मुक्तपणे काम करत असल्यचा आरोप केला होता. दुसऱ्या देशांमध्ये दहशतवादी कारवाया करणारे दहशतवादी पाकिस्तानमध्ये मोकाट कसे फिरत आहेत असा सवाल बिलावल यांनी सत्ताधाऱ्यांना केला होता. पाकिस्तानमधील सक्रिय दहशतवादी संघटनांवर कठोर कारवाई केली जात नाही. माझ्या आईचीही हत्या याच कारणामुळे झाली. हे दहशतवादी गट पाकिस्तानमध्ये लहान मुलांचे प्राण घेत आहेत. परदेशांमध्ये दहशतवादी कारवाया करत आहेत. आज संपूर्ण पाकिस्तानला दहशतवादाची किंमत मोजावी लागत असल्याचे बिलावल म्हणाले होते. 



  Print






News - World | Posted : 2019-03-22






Related Photos